Mediante o Acordo do Pleno, do 27 de xullo, aprobouse definitivamente o estudo de detalle referido ao Amendo, nº 11, co obxecto de reaxustar as aliñacións das vías do extremo sueste da parcela 277 do polígono 28, o que se publica aos efectos dos artigos 82 e 88 da Lei 2/2016, do 10 de febreiro, do solo de Galicia.
«Visto que, aprobado inicialmente polo Pleno, do 9 de febreiro, o estudo de detalle no Amendo (parcela 277 do polígono 28), foi sometido a información pública durante o prazo dun mes, segundo anuncio publicado no Diario Oficial de Galicia núm. 95, do 19 de maio, e anuncio no xornal La Región, do 4 de abril.
Visto que no período de información pública non se presentaron alegacións.
Considerando que, con data do 5 de abril, se solicitaron os informes sectoriais seguintes: Confederación Hidrográfica do Miño-Sil e Servizo de Patrimonio Cultural.
O informe da Confederación foi recibido con data do 23 de maio e nel constaba o seguinte: favorable.
Visto o informe de Secretaría de conformidade co disposto no artigo 22.2.c) da Lei 7/1985, do 2 de abril, reguladora das bases do réxime local, o Pleno, adopta por unanimidade o seguinte acordo:
Primeiro. Aprobar definitivamente o estudo de detalle referido ao Amendo, solicitado por Remedios Fernández Suárez (parcela 277 do polígono 28), referencia catastral rústica 32080A028002770000AF e RCU 001701100NG97H0001TJ, co obxecto de reaxustar as aliñacións para desenvolver o plan xeral; queda extinguida a suspensión de licenzas.
Segundo. Publicar o acordo de aprobación definitiva no Diario Oficial de Galicia, e o texto dos documentos que o integran, así como o índice de planos do estudo de detalle, no Boletín Oficial da provincia.
Terceiro. Notificarlles o presente acordo aos propietarios e aos demais interesados directamente afectados polo estudo de detalle.
Cuarto. Comunicarlle á consellería competente en materia de urbanismo a aprobación do estudo de detalle referido, á vez que se lle dá traslado dun exemplar en soporte dixital, debidamente diligenciado, co fin de ser inscrito no Rexistro de Planeamento Urbanístico de Galicia.
Quinto. Facultar o alcalde presidente para subscribir e asinar toda clase de documentos e, en xeral, para todo o relacionado con este asunto».
Taboadela, 5 de setembro de 2017
Manuel Gallego Vila
Alcalde
