María del Carmen Fernández Matas, letrada da Administración de xustiza do Xulgado de Primeira Instancia número 5 de Ferrol, polo presente anuncio:
No presente procedemento, seguido por instancia de Marta Patricia Tinoco Lamadrid fronte a Helmut Uwe Greilich ditou sentenza, cuxo teor literal é o seguinte:
Sentenza: 3/2017
Divorcio contencioso 186/2016
Procedemento de orixe: sobre divorcio contencioso
Demandante: Marta Patricia Tinoco Lamadrid
Procurador: Antonio Rubín Barrenechea
Avogado: Juan Pablo Pillado Mosquera
Demandado: Helmut Uwe Greilich
En Ferrol o 10 de xaneiro de 2017.
Vistos por Montserrat Matos Salgado, xuíza substituta do Xulgado de Primeira Instancia número 5 de Ferrol, os autos de divorcio contencioso número 186/2016, seguidos por instancia de Marta Patricia Tinoco Lamadrid, que comparece representada pola procuradora Sra. Vázquez Méndez, en substitución do Sr. Rubín Barrenechea, e asistida polo letrado Sr. Pillado Mosquera, contra Helmut Uwe Greilich, declarado en situación de rebeldía procesual, sen intervención do Ministerio Fiscal.
Decido que, estimando integramente a demanda de divorcio interposta por Marta Patricia Tinoco Lamadrid, que comparece representada pola procuradora Sra. Vázquez Méndez, en substitución do Sr. Rubín Barrenechea, e asistida polo letrado Sr. Pillado Mosquera, contra Helmut Uwe Greilich, declarado en situación de rebeldía procesual, debo acordar e acordo:
1º. A disolución do matrimonio formado por Marta Patricia Tinoco Lamadrid e Helmut Uwe Greilich, que figura inscrito no Rexistro Civil de Narón no tomo 51, páxina 39, sección 2ª, con todos os efectos inherentes á devandita declaración.
2º. A revogación de poderes e consentimentos que se outorgaron e aínda vixentes, con todos os efectos inherentes a tal pronunciamento, con disolución do réxime económico ganancial en virtude do disposto no artigo 1392.1º CC.
3º. Non se efectúa especial pronunciamento sobre custas procesuais, vista a natureza do proceso e as cuestións debatidas neste.
Ofíciese ao rexistro civil correspondente para a práctica dos asentos que sexan necesarios.
Notifíquese a presente resolución ás partes, facéndolles saber que contra ela poderá interpoñer recurso de apelación ante a Audiencia Provincial da Coruña, no prazo de vinte días contados a partir do seguinte ao da súa notificación.
Así o pronuncia, manda e asina, Montserrat Matos Salgado, xuíza substituta do Xulgado de Primeira Instancia número 5 de Ferrol.
E, encontrándose o devandito demandado, Helmut Uwe Greilich, en paradoiro descoñecido, expídese o presente edicto co fin de que sirva de notificación en forma a este.
Ferrol, 12 de xaneiro de 2017
A letrada da Administración de xustiza
