O Pleno da Corporación, na sesión ordinaria que tivo lugar o día 21 de xuño de 2017, adoptou, entre outros, o seguinte acordo:

Aprobar definitivamente o documento denominado modificado do Plan parcial do sector de solo urbanizable Monte Balado, redactado pola arquitecta municipal e polo asesor xurídico urbanístico do Concello, do 2 de febreiro de 2017, que foi aprobado inicialmente pola Xunta de Goberno Local como órgano competente do Concello, por delegación da Alcaldía do 10.7.2015, en sesión do 8 de febreiro de 2017.

En cumprimento do que dispoñen os artigos 87 e 88 da Lei do solo de Galicia, este acordo publicarase no Diario Oficial de Galicia e remitirase a modificación á consellería para a súa inscrición no Rexistro de Planeamento Urbanístico de Galicia. Unha vez producida a inscrición, publicarase a normativa aprobada no Boletín Oficial da provincia para a súa entrada en vigor.

Contra o acordo da aprobación definitiva da citada modificación poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.

Brión, 14 de xullo de 2017

José Luis García García
Alcalde