No procedemento de referencia ditouse a sentenza do 18 de novembro de 2016, cuxo encabezamento e resolución son do teor literal seguinte:
Luís Javier Rodríguez Vidal, maxistrado xuíz do Xulgado de Primeira Instancia número 9 da Coruña, ditou a presente en autos de procedemento ordinario 334/2016-E nos cales é parte demandante Pazo de Vilaboa Resorts, S.L., representada polo procurador Lage Fernández-Cervera e asistida do letrado Jiménez Mosquera, e partes demandadas Galimusic Producciones Audiovisuales, S.L. e José Rodríguez Casteleiro ambos os dous en rebeldía.
Decido que, estimando a demanda interposta por Pazo de Vilaboa Resorts, S.L. contra José Manuel Rodríguez Casteleiro, debo condenar a este a aboar á demandante a cantidade de 6.288 euros máis os xuros de demora correspondentes.
Que debo desestimar e desestimo a demanda interposta por Pazo de Vilaboa Resorts, S.L. contra Galimusic Producciones Audiovisuales, S.L. e absolvo esta dos pedimentos efectuados na súa contra.
En canto ás custas observarase o disposto no último fundamento de dereito.
Notifíquese esta resolución ás partes, facéndolles saber que contra ela cabe recurso de apelación para ante a Audiencia Provincial da Coruña, recurso que deberán interpoñer, se é o caso, ante este xulgado no prazo de 20 días seguintes a aquel en que se lles notifique a presente.
Así o acordo, mando e asino.
E como consecuencia do ignorado paradoiro dos demandados Galimusic Producciones Audiovisuales, S.L. e José Manuel Rodríguez Casteleiro expídese o presente edicto.
A Coruña, 7 de marzo de 2017
O letrado da Administración de xustiza