Familia, garda, custodia, alimentos de fillo menor non matrimonial non consensuado 16/2017
Sobre divorcio contencioso
Demandante: María Camila Gómez Torres
Procuradora: Beatriz Cerviño Gómez
Avogada: María Montserrat Rey Rey
Demandado: Osmar Acuña Cáceres
No procedemento de referencia ditouse a resolución do teor literal seguinte:
«Decido que, estimando na súa integridade a demanda de xuízo verbal presentada por María Camila Gómez Torres, representada pola procuradora Sra. Cerviño Gómez e asistida da letrada Sra. Rey Rodríguez, con intervención da representante do Ministerio Fiscal ao concorrer filla menor de idade Lucía Acuña Gómez, fronte a Osmar Acuña Cáceres, maior de idade, sinalado en autos e declarado en rebeldía procesual, procede acceder á adopción das seguintes medidas definitivas:
Titularidade patria potestade:
Titularidade compartida entre ambos os proxenitores, correspondéndolle á nai o exercicio exclusivo desta, en particular en cuestións médicas, sanitarias, educativas, de expedición e renovación de DNI e pasaporte, fixación ou cambio de domicilio e empadroamento, realización de saídas ao estranxeiro, campamentos, excursións e demais cuestións análogas.
Garda e custodia:
Procede atribuíla á demandante
Réxime de estadías e comunicación:
Non procede o establecemento dun réxime de visitas para o proxenitor, debido a que este se desentendeu por completo da menor e non mantén contacto con esta desde hai máis de 6 anos, e a que se encontra en paradoiro descoñecido.
Sen prexuízo de ulterior modificación de medidas definitivas en que acredite o actual demandado unha variación substancial relevante en beneficio da menor.
Pensión de alimentos:
Pensión de alimentos a favor da menor, procede establecer a cantidade mensual de cen euros (100 euros) en concepto de pensión alimenticia.
A devandita cantidade deberán ser ingresada nos cinco primeiros días de cada mes, na entidade e na conta bancaria que designe a nai, e actualizaranse anualmente, a teor das variacións porcentuais experimentadas polo IPC anual elaborado polo INE ou índice que o substitúa, sen necesidade de requirimento nin notificación ningunha ao pagador da pensión.
Gastos extraordinarios:
Os gastos extraordinarios dos fillos que sexan necesarios serán sufragados, logo de xustificación do proxenitor que fai o pagamento por ambos os dous proxenitores por partes iguais, e en caso de desavinza decidirá a autoridade xudicial.
Non procede efectuar especial pronunciamento sobre as custas do presente proceso.
Esta resolución non é firme e fronte a ela cabe interpoñer recurso de apelación nos prazos e termos previstos na vixente Lei de axuizamento civil para a súa resolución pola Audiencia Provincial de Coruña (artigos 458 ss. e 776 Lei de axuizamento civil) logo de consignación do depósito de 50 euros previsto na disposición adicional décimo quinta da LOPX.
Así por esta miña sentenza, pronúncioo, mándoo e asínoo, Roberto Soto Sola, maxistrado xuíz titular do Xulgado de Primeira Instancia número 6 desta localidade e o seu partido xudicial.
Publicación: lida e publicada a anterior resolución en audiencia pública polo xuíz que a ditou, no día da data, dou fe».
E como consecuencia do ignorado paradoiro do demandado, expídese a presente para que sirva de cédula de notificación.
Santiago de Compostela, 15 de xuño de 2017
A letrada da Administración de xustiza