Eu, Marta Yanguas del Valle, letrada da Administración de xustiza do Xulgado do Social número 2 de Reforzo da Coruña, fago saber que no procedemento de despedimento/cesamentos en xeral 1012/2016 deste xulgado do social, seguido por instancia de Nuria López Fernández contra Bella y Asociados Restauración, S.L. e o Fogasa, sobre despedimento, ditouse a seguinte resolución do teor literal seguinte:

«Xulgado do Social número 2 de Reforzo da Coruña

Xuíz: Javier López Cotelo

Procedemento: despedimento 1012/2016.

Demandante: Nuria López Fernández.

Letrada: Sra. De Blas Gómez

Demandados: Bella y Asociados Restauración, S.L. e o Fogasa

Sentenza.

A Coruña, 25 de abril de 2017.

Resolución

1º. Estimo a demanda sobre despedimento formulada por Nuria López Fernández fronte a Bella y Asociados Restauración, S.L. e, en consecuencia, declaro a improcedencia do despedimento e condeno a demandada a que readmita inmediatamente a traballadora nas mesmas condicións que rexían antes de producirse o despedimento, ou ben, a elección da empresa, á extinción da relación laboral con aboamento da indemnización detallada no número segundo desta resolución. Todo iso con aboamento, no caso de opción pola readmisión, dos salarios de tramitación que non percibise ata a notificación da presente sentenza.

A devandita opción deberá exercerse en cinco días a partir da notificación desta sentenza, mediante escrito ou comparecencia ante este xulgado. Transcorrido o devandito prazo sen que se tivese optado, entenderase que procede a readmisión.

2º. A indemnización e os salarios de tramitación que debe aboar empresa demandada, segundo o disposto no número anterior, son os seguintes:

– En concepto de indemnización e de optar a empresa por ela: a cantidade de 234,77 euros.

– En concepto de salarios de trámite, para o caso de opción pola readmisión, os deixados de percibir desde a data do despedimento e ata a notificación da presente sentenza, calculados a razón de 28,46 euros/día.

3º. Estimo a demanda sobre reclamación de cantidade formulada por Nuria López Fernández fronte a Bella y Asociados Restauración, S.L. e, en consecuencia condeno esta a aboar á primeira a suma de 1.341,55 euros en concepto de salarios devindicados e non satisfeitos, así como o xuro do artigo 29.3 do ET.

4º. O Fogasa deberá pasar polo resolto na presente resolución.

Inscríbase a presente resolución no libro de sentenzas e déixese testemuño desta no presente procedemento.

Notifíquese esta sentenza ás partes, advertíndolles que contra ela se poderá interpoñer recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.

Así o pronuncio, mando e asino, Javier López Cotelo, xuíz social de Reforzo da Coruña».

Publicación. A anterior sentenza foi lida e publicada polo xuíz que a subscribe no día da súa data, do que eu, a secretaria xudicial, dou fe.

E para que sirva de notificación en legal forma a Bella y Asociados Restauración, S.L., en ignorado paradoiro, expido o presente para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 23 de abril de 2017

A letrada da Administración de xustiza