Para xeral coñecemento, de conformidade co disposto nos artigos 72 e 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a Sección Segunda da Sala do Contencioso-Administrativo do Tribunal Superior de Xustiza de Galicia, con data do 29 de setembro de 2016, pronunciou a Sentenza número 560/2016, ditada no procedemento ordinario nº 4243/2014, interposto por Inés Oroza Pena, en relación coa Orde da Consellería de Medio Ambiente, Territorio e Infraestruturas do 31 de marzo de 2014, de aprobación definitiva do Plan xeral de ordenación municipal de Burela, sentenza que na súa parte dispositiva literalmente di:

«Estimamos parcialmente o recurso contencioso-administrativo interposto por Inés Oroza Pena contra a disposición indicada no primeiro fundamento desta sentenza, que anulamos no que se refire á inclusión no catálogo do PXOM do edificio nº 140 da avenida de Arcadio Pardiñas. No se fai imposición das custas do recurso».

A citada sentenza foi declarada firme.

Santiago de Compostela, 16 de marzo de 2017

María Encarnación Rivas Díaz
Directora xeral de Ordenación do Territorio e Urbanismo