Anúnciase que a Xunta de Goberno Local, en sesión ordinaria do 23 de febreiro de 2017, adoptou, entre outros, o seguinte acordo:
«37.- Aprobación inicial da modificación puntual do PEPRI do casco histórico de Ourense para permitir a execución do proxecto de rehabilitación do Museo Arqueolóxico de Ourense. Expediente planeamento urbanístico: 2016011234.
A Xunta de Goberno Local, de conformidade coa proposta, por unanimidade dos asistentes (10 votos a favor), acordou:
1º) Asumir como propio o documento técnico presentado polo Goberno de España - Ministerio de Educación, Cultura e Deporte - Secretaría de Estado de Cultura - Xerencia de Infraestruturas e Equipamentos para a modificación puntual que se está a tramitar.
2º) Aprobar inicialmente a modificación puntual do Plan especial de protección e reforma interior do casco histórico de Ourense para permitir a execución do proxecto de rehabilitación do Museo Arqueolóxico de Ourense redactado por Alejandro Virseda Aizpún, Ignacio Vila Almazán, José Jaraíz Pérez y Arbau Arquitectos, S.L.P. UTE.
3º) Someter o expediente a información pública polo prazo de dous meses, mediante anuncio que se publicará no DOG e nun dos diarios de maior difusión da provincia. Así mesmo, publicarase na sede electrónica municipal a realización deste trámite.
4º) Proceder á notificación individualizada deste acordo aos propietarios catastrais dos terreos afectados polo presente instrumento de planeamento. E
5º) Solicitar os informes sectoriais que sexan preceptivos durante o trámite de información pública, neste caso da administración autonómica competente en materia de patrimonio cultural.
Réxime de recursos do acordo:
Contra este acordo, como acto de trámite que é e que non decide directa ou indirectamente o fondo do asunto, nin determina a imposibilidade de continuar o procedemento nin produce indefensión ou prexuízo irreparable a dereitos e intereses lexítimos, non cabe a interposición de ningún recurso, sen prexuízo dos que se poidan interpor contra o acordo que poña fin ao expediente que se incoa, baseándose na nulidade ou anulabilidade deste.
Todo iso ao abeiro do disposto no artigo 112 da Lei 39/2015, do procedemento administrativo común das administracións públicas».
O que se fai público de conformidade co artigo 75.1.a) da Lei 2/2016, do 10 de febreiro, do solo de Galicia e o artigo 186.1.a) do Decreto da Xunta de Galicia 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia.
Ourense, 8 de marzo de 2017
Jesús Vázquez Abad
Alcalde presidente
