Tipo e número de recurso: recurso de suplicación 2611/2016

Xulgado de orixe/autos: procedemento ordinario 856/2015. Xulgado do Social número 1 de Xixón

Recorrente: Cristina Valle González

Avogada: Lorena Marcos Rodríguez

Recorridos: Endesa Energía, S.A.U., Doble Imagen, S.L., Juan E. (admón. concursal) Hernández Escobar, Fogasa

Avogado: Daniel Villanueva Suárez, Fogasa

Eu, Evelia Alonso Crespo, secretaria da Sala do Social do Tribunal Superior de Xustiza do Principado de Asturias, certifico que no recurso de suplicación número 2611/16 interposto contra a sentenza do Xulgado do Social número 1 de Xixón, ditada o 11 de maio de 2016, ditouse resolución o 31 de xaneiro de 2017, cuxo ditame copiado literalmente di:

«Resolvemos: estimamos en parte o recurso interposto pola dirección letrada de Cristina Valle González fronte á Sentenza do 11 de maio de 2016 ditada polo Xulgado do Social número 1 de Xixón nos autos número 856/2015, seguidos pola súa instancia contra as empresas Doble Imagen, S.L., Endesa Energía, S.A.U., a administración concursal de Doble Imagen, S.L. e o Fondo de Garantía Salarial, sobre resolución de contrato e reclamación de cantidade, revogamos en parte a sentenza impugnada e

a) Temos por indebidamente acumulada e, polo tanto, por non posta a pretensión relativa ao complemento de incapacidade temporal.

b) Anulamos parcialmente a devandita sentenza e declaramos a competencia da orde social para coñecer da acción de reclamación salarial, e, en consecuencia, eliminamos do seu pronunciamento a parte que absolvía as empresas do aboamento da citada débeda salarial, retrotraendo as actuacións ao momento inmediatamente anterior ao ditame da sentenza para que o xulgador de instancia, con enteira liberdade de criterio, dite nova sentenza na cal, entrando a coñecer sobre o fondo do asunto, resolva sobre as pretensións deducidas oportunamente no preito polas partes e decida sobre os puntos litixiosos que foron obxecto de debate.

c) Confírmase a sentenza de instancia en todos os seus outros pronunciamentos. Sen custas.

Medios de impugnación:

Advírtese ás partes que contra esta sentenza cabe interpoñer recurso de casación para a unificación de doutrina, que deberá prepararse mediante escrito subscrito por letrado, que se presentará nesta sala do social dentro do improrrogable prazo dos dez días hábiles inmediatos seguintes á data de notificación desta, nos termos do artigo 221 da Lei reguladora da xurisdición social e cos apercibimentos nel contidos.

Taxas xudiciais para recorrer:

A tramitación do recurso de casación para unificación de doutrina non constitúe feito impoñible e, polo tanto, non se require a liquidación de taxas (consulta vinculante da Dirección Xeral de Tributos V 3674-23 do 26.12.2013).

Depósito para recorrer:

En cumprimento do artigo 229 da LRXS, co escrito do recurso debe xustificarse o ingreso de depósito para recorrer (600 euros), estando exento o recorrente que for traballador ou habente causa seu ou beneficiario do réxime público da Seguridade Social, o Estado, as comunidades autónomas, as entidades locais e as entidades de dereito público con personalidade xurídica propia vinculadas ou dependentes destes, as entidades de dereito público reguladas pola súa normativa específica e os órganos constitucionais, así como os sindicatos e os que tiveren recoñecido o beneficio de xustiza gratuíta.

O devandito depósito debe efectuarse na conta de depósitos e consignacións que esta Sala do Social do TSXA ten aberta no Banco Santander, oficina da rúa Uría, 1, de Oviedo. O número de conta confórmase como segue: 3366 0000 66, seguido do número da peza (poñendo ceros á súa esquerda ata completar 4 díxitos), e as dúas últimas cifras do ano da peza. Débese indicar no campo concepto: "37 social casación Lei 36/2011".

Se o ingreso se realiza mediante transferencia, o código IBAN do Banco é: ES55 0049 3569 9200 0500 1274, sendo imprescindible indicar tamén a conta do recurso como quedou dito.

De efectuárense diversos pagamentos ou ingresos na mesma conta, deberase especificar un ingreso por cada concepto, mesmo se obedecen a outros recursos da mesma ou distinta clase, e indicar no campo de observacións a data da resolución impugnada utilizando o formato dd/mm/aaaa.

Consignación ou aseguramento do importe da condena:

Así mesmo, por aplicación do artigo 230 da Lei reguladora da xurisdición social, a parte condenada que non goce do dereito de xustiza gratuíta deberá acreditar, ao preparar o recurso, ter consignado na citada conta (e por separado do depósito citado), a cantidade obxecto de condena -ou o incremento de contía respecto da fixada polo Xulgado do Social, ou ben o importe da mellora voluntaria da acción protectora da Seguridade Social ou o seu incremento-; pode substituírse a consignación en metálico polo aseguramento mediante aval solidario de duración indefinida e pagadoiro a primeiro requirimento emitido por entidade de crédito.

Exencións dos depósitos e consignacións:

O Estado, as comunidades autónomas, as entidades locais e as entidades de dereito público con personalidade xurídica propia vinculadas ou dependentes destes, así como as entidades de dereito público reguladas pola súa normativa específica e os órganos constitucionais, estarán exentos da obriga de constituír os depósitos, caucións, consignacións ou calquera outro tipo de garantía previsto nas leis. Os sindicatos e os que tiveren recoñecido o beneficio de xustiza gratuíta quedarán exentos de constituír o depósito referido e as consignacións que para recorrer veñen exixidas nesta lei.

Pásense as actuacións á letrada da Administración de xustiza para cumprir os deberes de publicidade, notificación e rexistro da sentenza.

Así, por esta nosa sentenza, definitivamente xulgando, pronunciámolo, mandámolo e asinámolo».

E para a súa publicación no Boletín Oficial del Principado de Asturias e da provincia, así como fixación no taboleiro de anuncios desta sala, co fin de que sirva de notificación en forma a Doble Imagen, S.L., en ignorado paradoiro, expido a presente que asino e selo.

Oviedo, 31 de xaneiro de 2017

A secretaria xudicial