Procedemento ordinario 373/2014
Sobre reclamación de cantidade
Demandante: Ángeles Durán López
Procuradora: Carolina Riobó Pérez
Demandados: Ibericar Alquiler de Automóviles, S.L., Nemesio Durán Alonso
Procuradora: Eugenia Amoedo Lusquiños
No procedemento de referencia ditouse a resolución do teor literal seguinte:
Sentenza.
No Porriño o 31 de marzo de 2016.
Vistos por min, Eva Ferreiro Estévez, xuíza substituta do Xulgado de Primeira Instancia e Instrución número 1 de Porriño, os presentes autos de xuízo ordinario número 373/2014 seguidos por instancia de Ángeles Durán López, representada pola procuradora Sr.a Riobó Pérez e asistida polo letrado Sr. Teixeira Rodríguez, contra a entidade Ibericar Alquiler de Automóviles, S.L., procede ditar a presente resolución con base nos seguintes:
Resolución.
Estimo a demanda interposta por Ángeles Durán López, representada pola procuradora Sra. Riobó Pérez e asistida polo letrado Sr. Teixeira Rodríguez, contra a entidade Ibericar Alquiler de Automóviles, S.L. e, en consecuencia, debo declarar e declaro que os vehículos matrícula PO-4318-AM, PO-9995-AK, PO-4584-AM, PO-5582-AJ, PO-9993-AK, PO-1695-AT, PO-6741-AP, PO-3869-AT, PO-1713-AP, PO-1466-AP, PO-0231-AP, PO-7828-AS, PO-6160-AS, PO-6512-AS, PO-2414-AM, PO-3377-AN, PO-4322-AM e PO-4105-AL, sinalados na escritura do 10 de novembro de 1995 de dación en pagamento e para pagamento de débedas, asinada ante o notario Alfonso Emilio Rodríguez Sánchez, co número 3.378 do seu protocolo, son propiedade exclusiva da demandada Ibericar Alquiler de Automóviles, S.L., desde a devandita data da citada escritura e, consecuentemente, condeno a entidade demandada a inscribir a súa titularidade ante os rexistros e organismos públicos competentes e a realizar todos os actos necesarios para inscribir ao seu nome os devanditos vehículos, así como ao pagamento das custas do presente procedemento.
A presente sentenza non é firme e contra ela cabe interpoñer recurso de apelación ante a Audiencia Provincial de Pontevedra, que deberá presentarse no prazo dos vinte días seguintes á súa notificación ante este mesmo xulgado conforme o disposto nos artigos 455.1 e seguintes da Lei 1/2000, do 7 de xaneiro, de axuizamento civil, logo do depósito da cantidade correspondente na conta de depósitos e consignacións.
Notifíquese esta resolución ás partes, cuxo orixinal quedará rexistrado no libro de sentenzas quedando testemuño dela nestes autos.
Así o acordo, mando e asino.
Xulgado de Primeira Instancia e Instrución número 1 de Porriño
Autos.
Xuíza/maxistrada xuíza: Eva Ferreiro Estévez.
No Porriño o dezanove de abril de dous mil dezaseis.
Antecedentes de feito
Primeiro. No presente procedemento ditouse sentenza, que foi notificada ás partes litigantes.
Segundo. Na referida resolución figura a sociedade demandada como Ibericar Alquiler de Automóviles, S.L.
Terceiro. A parte demandante solicita a rectificación do erro, facendo constar que a denominación correcta é Ibercar Alquiler de Automóviles S.L.
Cuarto. Comprobado o expediente, faise contar que a demandada consta como Ibercar Alquiler de Automóviles, S.L. na escritura de 10.11.1995 outorgada ante o notario Santiago Botas Prego, cuxa copia se presenta co escrito de demanda.
Parte dispositiva
Acordo:
Estimar a petición formulada pola Procuradora Sr.a Riobó Pérez de aclarar a sentenza, ditada no presente procedemento, no sentido de que onde di Ibericar Alquiler de Automóviles, S.L. deberá dicir Ibercar Alquiler de Automóviles, S.L.
Líbrese certificación desta resolución, que quedará unida a estas actuacións, e lévese o seu orixinal ao libro de resolucións definitivas.
Modo de impugnación: contra esta resolución non caberá recurso ningún, sen prexuízo dos recursos que procedan, se é o caso, contra a resolución á que se refire a solicitude de aclaración.
Así o manda e acorda a súa señoría, dou fe.
A maxistrada xuíza |
O/a letrado/a da Administración de xustiza |
E como consecuencia do ignorado paradoiro de Ibercar Alquiler de Automóviles, S.L., esténdese a presente para que sirva de cédula de notificación.
O Porriño, 13 de febreiro de 2017
O/a letrado/a da Administración de xustiza