Eu, Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 460/2014 a instancia de Karen Julieth Prado Rojas contra a empresa Lema Rama, S.L., e o Fondo de Garantía Salarial sobre cantidade, nos que recaeu sentenza en data 24.1.2017 que copiada nos particulares necesarios di así:

Fallo:

Estímase parcialmente a demanda formulada por Karen Julieth Prado Rojas fronte á empresa Lema Rama, S.L., con intervención do Fondo de Garantía Salarial e, en consecuencia:

– Condénase á empresa Lema Rama, S.L., a aboar a Karen Julieth Prado Rojas a cantidade de trescentos noventa e sete euros con cincuenta e un céntimos de euro (397,51 euros).

Notifíquese a presente resolución ás partes, facéndolles saber que contra esta non cabe recurso de suplicación por razón da contía, sen prexuízo dos demais motivos previstos no artigo 191 da LRXS.

A competencia para coñecer o recurso de suplicación corresponderá, se é o caso, ao Tribunal Superior de Xustiza de Galicia, debendo anunciarse este neste xulgado no prazo dos cinco días seguintes á notificación desta resolución abondando a manifestación da parte ou do seu avogado, graduado social, ou representante dentro do indicado prazo.

Se o recorrente non goza do beneficio de xustiza gratuíta deberá, ao tempo de anunciar o recurso ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado facendo constar no ingreso o número de procedemento.

Así o acorda, manda e asina, Nicolás E. Pita LLoveres, maxistrado do Xulgado do Social número 4 da Coruña.

E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Lema Rama, S.L., expido e asino a presente.

A Coruña, 1 de febreiro de 2017

A secretaria xudicial