Faise público que mediante Decreto da Alcaldía 2017-0036, do 20 de xaneiro de 2017, se aprobou o prego de cláusulas administrativas particulares que rexerá na contratación mediante procedemento aberto cun único criterio de adxudicación, do servizo de limpeza de inmobles municipais.

1. Entidade adxudicadora:

a) Organismo: Concello de Cervo.

b) Dependencia que tramita o expediente: Secretaría/Intervención.

c) Domicilio: praza do Concello, s/n.

d) Localidade e código postal: 27891 Cervo (Lugo).

e) Teléfono: 982 55 77 77.

f) Fax: 982 55 77 29.

g) Enderezo da internet do perfil do contratante: www.concellodecervo.com.

2. Obxecto do contrato:

a) Tipo: contrato administrativo de servizo.

b) Descrición: o obxecto do contrato é a realización do servizo de limpeza de inmobles municipais e, concretamente, dos inmobles que se citan a continuación:

– Casa do concello.

– Edificio do Grupo de Emerxencias Supramunicipal (GES).

– Escola infantil de Cervo.

– Centro cultural e de servizos á cidadanía de Cervo.

– Piscina municipal de Lieiro.

– Colexio Cervo 1 (Galdín-San Cibrao).

– Colexio Cervo e anexos.

c) Duración do contrato: a duración do contrato será dun ano con efectos desde o día seguinte ao da sinatura do contrato, e poderá ser prorrogado polo Concello por outro ano máis.

d) CPV: 90911200-8 e 90919000-2.

e) NUTS: ES112.

3. Tramitación e procedemento:

a) Tramitación: ordinaria.

b) Procedemento: aberto.

c) Criterios de adxudicación:

Prezo (100 puntos sobre 100).

4. Valor estimado e prezo do contrato:

O prezo total do contrato ascende á contía de cento vinte mil euros (120.000 €), desagregado nunha base impoñible de 99.173,55 € máis 20.826,45 de IVE.

O valor estimado do contrato, tendo en conta a posibilidade dunha prórroga, ascende á contía de 198.347,10 € (IVE excluído) polo ano de duración do contrato máis un ano de prórroga.

5. Garantías exixidas:

a) Provisional: non se exixe.

b) Definitiva: 5 por 100 do importe de adxudicación, sen incluír o IVE.

6. Requisitos específicos do contratista:

a) Clasificación: non será necesaria a clasificación pero enténdese que están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a obtención previa da seguinte clasificación: grupo U, subgrupo 1, categoría 1.

b) Solvencia económica, financeira, técnica e profesional: a exixida no prego de cláusulas administrativas (cláusula 14).

7. Presentación de ofertas:

a) Prazo: quince (15) días naturais contados desde o seguinte ao da publicación do anuncio de licitación no BOP de Lugo, no DOG e no perfil do contratante.

Para o cómputo do prazo de presentación de proposicións, no suposto en que non coincida a data do anuncio no BOP, DOG ou perfil do contratante, contarase a partir do día seguinte ao da publicación do último anuncio.

b) Lugar de presentación:

1º. Dependencia: Rexistro Xeral do Concello de Cervo, das 9.00 ás 14.00 horas (de luns a venres), ou enviadas por correo. Se o último día do prazo de presentación das proposicións coincide en sábado, domingo ou festivo, o prazo terminará o primeiro día hábil seguinte.

2º. Domicilio: praza do Concello, s/n.

3º. Localidade e código postal: 27891 Cervo (Lugo).

4º. Fax: 982 55 77 29.

c) Modalidade de presentación: no Rexistro Xeral do Concello de Cervo. No caso de envío por correo, o licitador deberá xustificar a data de imposición do envío na oficina de Correos e anunciar ao órgano de contratación a remisión da proposición mediante comunicación telegráfica, fax ou telefax o mesmo día da presentación. Sen a concorrencia de ambos os dous requisitos non será admitida a proposta.

8. Gastos de publicidade: serán por conta do contratista adxudicatario.

Cervo, 25 de xaneiro de 2017

Alfonso Villares Bermúdez
Alcalde