Procedemento de orixe: /
Sobre ordinario
Demandante: Fundación Laboral de la Construcción
Avogado: Adrián Núñez Fernández
Demandados: Cuadrafer, S.L., Fondo de Garantía Salarial (Fogasa)
Eu, Marina Pilar García de Evan, letrada da Administración de xustiza do Xulgado do Social número 3 de Santiago de Compostela, fago saber que no procedemento ordinario 243/2015 deste xulgado do social, seguido por instancia de Fundación Laboral da Construcción contra Cuadrafer, S.L., Fondo de Garantía Salarial (Fogasa) sobre ordinario, se ditou a seguinte resolución:
Sentenza.
Santiago de Compostela, 18 de xaneiro de 2017
Sandra María Iglesias Barral, maxistrada do Xulgado do Social número 3 de Santiago de Compostela, despois de ver os presentes autos seguidos neste xulgado co nº 243/2015. Son parte neste, como demandantes, a Fundación Laboral da Construcción, asistida polo letrado Sr. Núñez Fernández e, como demandada, Cuadrafer, S.L., que non comparece, malia a súa citación en legal forma, ao igual que o Fogasa (Fondo de Garantía Salarial) citado de oficio, pronunciou esta sentenza, en nome do rei, con base no seguinte
Resolvo:
Estímase a demanda interposta por Fundación Laboral da Construcción fronte a Cuadrafer, S.L. e, en consecuencia, condénase a demandada a aboar á demandante a cantidade de 319,80 euros, incluído o 20 % de interese por mora, con condena ao pagamento dos honorarios do letrado da parte demandante ata o límite legal.
Notifíquese a presente resolución ás partes, contra a que non cabe recurso.
Así o acorda, manda e asina, Sandra María Iglesias Barral, maxistrada do Xulgado do Social número 3 de Santiago de Compostela.
E para que sirva de notificación en legal forma a Cuadrafer, S.L., en ignorado paradoiro, expido o presente para a súa inserción no Diario Oficial de Galicia e no taboleiro de anuncios deste xulgado.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan de auto ou sentenza, ou cando se trate de emprazamento.
Santiago de Compostela, 19 de xaneiro de 2017
A letrada da Administración de xustiza