Advertidos erros na devandita resolución publicada no Diario Oficial de Galicia núm. 14, do 20 de xaneiro de 2017, cómpre facer as seguintes correccións:
Na páxina 3.194 no punto I, onde di:
«Primeiro. Modifícase o anexo de categorías do V Convenio colectivo do persoal laboral da Xunta de Galicia engadindo á denominación das categorías de peón, peón-condutor, xefe/a de brigada, condutor de motobomba e oficial forestal de defensa contra incendios forestais, vinculadas á prevención en extinción de incendios forestais, o termo “bombeiro/a forestal”, de forma que o nome das categorías sinaladas muda para quedar do seguinte xeito:
V.14. Bombeiro/a forestal peón.
V14.a Bombeiro/a forestal peón-condutor/a».
Debe dicir:
«Primeiro. Modifícase o anexo de categorías do V Convenio colectivo do persoal laboral da Xunta de Galicia modificando a denominación das categorías de peón, peón-condutor, xefe/a de brigada, condutor de motobomba e oficial forestal de defensa contra incendios forestais, vinculadas á prevención e extinción de incendios forestais, o termo “bombeiro forestal”, de forma que o nome das categorías sinaladas muda para quedar do seguinte xeito:
V.14. Bombeiro/a forestal.
V.14.a. Bombeiro/a forestal condutor».
Na páxina 3.196:
No primeiro parágrafo da disposición común primeira, onde di: «A Administración iniciará os trámites para a funcionarización do persoal de prevención e extinción de incendios forestais, comezando no ano 2017 coas categorías profesionais que se acorde coas organizacións sindicais»; debe dicir: «A Administración iniciará os trámites para a funcionarización do persoal de todas as categorías de prevención e extinción de incendios forestais comezando no ano 2017 coas categorías profesionais que se acorde coas organizacións sindicais».