Eu, Blanca Susana Janeiro Amela, letrada da Administración de xustiza do Xulgado do Social número 4 de Pontevedra, fago saber que no procedemento de execución de títulos xudiciais 192/2016 deste xulgado do social, seguido por instancia de Ana Argibay Gutiérrez, Luis Ramos Falcón e Beatriz Ramos Falcón contra a empresa La Reigosa, S.L., sobre ordinario, se ditou a seguinte resolución cuxa parte dispositiva se xunta:

Dispoño despachar orde xeral de execución de Sentenza do 9 de xuño de 2016 e Auto de aclaración do 15 de novembro de 2016, ditados no procedemento ordinario 705/2015, a favor da parte executante, Ana Argibay Gutiérrez, Luis Ramos Falcón e Beatriz Ramos Falcón, contra La Reigosa, S.L., parte executada, coa intervención do Fogasa, por importe de 40.558,03 euros en concepto de principal máis outros 3.687,09 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación.

Este auto, xunto co decreto que ditará o/a letrado/a da Administración de xustiza, e copia da demanda executiva serán notificados simultaneamente á parte executada, tal e como dispón o artigo 553 da Lei de axuizamento civil (LAC), e a executada quedará apercibida para os efectos mencionados nos razoamentos xurídicos terceiro e cuarto desta resolución, e conforme dispoñen os artigos 251.2 e 239.3 da Lei reguladora da xurisdición social (LXS).

Para dar efectividade ás medidas concretas solicitadas, acordo:

– Requirir a La Reigosa, S.L. co fin de que no prazo de dez días manifeste relacionadamente bens e dereitos suficientes para cubrir a contía da execución, con expresión, de ser o caso, das cargas e gravames, así como, no caso de inmobles, se están ocupados, por que persoas e con que título, baixo apercibimento de que, en caso de non verificalo, poderá ser sancionada, cando menos, por desobediencia grave, no caso de que non presente a relación dos seus bens, inclúa nela bens que non sexan seus, exclúa bens propios susceptibles de embargo ou non desvele as cargas e os gravames que sobre eles pesaren, e poderánselle impor tamén multas coercitivas periódicas.

– Consultar as aplicacións informáticas do órgano xudicial para a pescuda de bens do executado.

Para que lle sirva de notificación en legal forma a La Reigosa, S.L., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

Pontevedra, 10 de xaneiro de 2017

A letrada da Administración de xustiza