Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 364/2014 por instancia de Mónica Vázquez Sales contra a empresa Cadena Noroeste de Medios de Comunicación, S.A. e o Fondo de Garantía Salarial, sobre cantidade, nos cales se ditou sentenza o 12 de decembro de 2016 que, copiada nos particulares necesarios, di así:

Resolución:

Estímase parcialmente a demanda formulada por Mónica Vázquez Sales fronte á empresa Cadena Noroeste de Medios de Comunicación, S.A. con intervención do Fondo de Garantía Salarial e, en consecuencia:

– Condénase a empresa Cadena Noroeste de Medios de Comunicación, S.A. a aboar a Mónica Vázquez Sales a cantidade de catro mil setecentos noventa e tres euros con oitenta e oito céntimos de euro (4.793,88 euros), devindicando a devandita cantidade o xuro previsto no artigo 1.108 do CC.

Notifíquese a resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado, graduado social colexiado ou representante dentro do indicado prazo.

Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.

Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.

E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Cadena Noroeste de Medios de Comunicación, S.A. expido e asino a presente.

A Coruña, 20 de decembro de 2016

A secretaria xudicial