O secretario xeral técnico ditou as resolucións dos recursos presentados nos expedientes sancionadores número RA/M/2015/00466 e tres máis por infracción da normativa sobre transporte terrestre.
Intentada a notificación da resolución por correo certificado con xustificante de recepción no enderezo que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.
Infórmase de que os expedientes sancionadores se atopan á súa disposición na Secretaría Xeral Técnica da Consellería de Infraestruturas e Vivenda, situada no Edificio Administrativo San Caetano, en Santiago de Compostela (A Coruña).
Contra as ditas resolucións, que poñen fin á vía administrativa, cabe recurso contencioso-administrativo ante o xulgado do contencioso-administrativo, no prazo de dous meses contados desde o día seguinte ao da publicación deste anuncio no BOE de conformidade cos artigos 8 e 14 da Lei 29/1998, do 13 de xullo, reguladora da xurisdición contencioso-administrativa.
No caso de non ter aboado o importe da sanción, deberán pagar o seu importe dentro do prazo establecido no artigo 62 da Lei 58/2003, do 12 de decembro, xeral tributaria, empregando o modelo impreso que se facilitará nas oficinas da Secretaría Xeral Técnica da Consellería de Infraestruturas e Vivenda.
De non efectuarse o ingreso no dito prazo, procederase ao seu cobro pola vía de constrinximento, segundo o disposto no artigo 97 da Lei 30/1992, do 26 novembro, de réxime xurídico das administracións públicas e do procedemento administrativo común.
Santiago de Compostela, 22 de decembro de 2016
Joaquín Macho Canales
Secretario xeral técnico da Consellería de Infraestruturas e Vivenda
ANEXO
Expediente Número recurso Matrícula |
Recurrente |
Infracción cometida Datos da denuncia: data; hora; estrada; p.q. |
Precepto infringido |
Sanción imposta |
Resolución do recurso |
OU-01473-O-2013 RA/M/2015/00466 57-LD-81 |
Brita Grilos, L.D.A. (Caucionista: Liserteco España, S.L.) |
A manipulación do tacógrafo ou dalgún dos seus elementos, así como doutros instrumentos ou medios de control que exista a obrigación de levar instalado no vehículo co obxecto de alterar o seu funcionamento ou modificar as medicións. 3.10.2013; 10.28; N-541; 35,00 |
Art. 140.10 LOTT |
4.001 € |
Desestimatoria, confirmando a sanción imposta |
LU-00685-O-2014 RA/M/2015/00895 LE7495AG |
Joaquín Alonso Fernández |
Realizar transporte público ao amparo dunha autorización caducada revocada ou que por calquera outra causa tivera perdido a súa validez. 11.2.2014;19.30; A-6; 479 |
Art. 140.1 LOTT |
4.001 € |
Desestimatoria, confirmando a sanción imposta |
DX-00112-I-2009 RA/M/2015/00562 Obstrución |
Mintra, S.L. |
A negativa ou obstrución da actuación dos servizos que imposibiliten total ou parcialmente o exercicio das funcións que legal ou regulamentariamente teñan atribuídas. 14.7.2009; 13.47 |
Art. 140.6 LOTT |
4.601 € |
Inadmitir, confirmando a sanción imposta |
LU-01067-O-2014 RA/M/2015/00875 1753-CSL |
Luque y Vela, S.L. |
A carencia, a bordo do vehículo, das follas do rexistro dos tempos de condución e descanso xa utilizadas ou dos documentos impresos que resulte obrigado levar, con independencia do tipo de tacógrafo, analóxico ou dixital, que se está utilizando. 2.4.2014; 18.30; A-6; 474 |
Art. 140.35 LOTT |
1.001 € |
Inadmitir, confirmando a sanción imposta |