Mediante a Orde do 29 de xullo de 2011 autorízanse as ensinanzas de técnico deportivo nas disciplinas hípicas de Salto, Doma e Concurso Completo e as ensinanzas de técnico superior en Hípica no Centro Autorizado de Ensinanzas Deportivas Santa Apolonia de Santiago de Compostela (A Coruña).
A titular do centro solicita autorización para impartir as mencionadas ensinanzas na modalidade a distancia.
O Real decreto 1363/2007, do 24 de outubro, establece a ordenación xeral das ensinanzas deportivas de réxime especial, no seu artigo 24, e sinala a posibilidade de ofertar ensinanzas deportivas de xeito modular ou parcial, ben sexa en réxime presencial ou a distancia.
A Orde ECD/158/2014, do 5 de febreiro, regula os aspectos curriculares, os requisitos xerais e os efectos das actividades de formación deportiva, aos cales se refire a disposición transitoria primeira do Real decreto 1363/2007, do 24 de outubro.
O Decreto 410/2003, do 6 de novembro, regula os requisitos e o procedemento para a autorización a centros privados e a centros públicos que non sexan de titularidade da Consellería de Cultura, Educación e Ordenación Universitaria para impartir ensinanzas de técnicos deportivos na Comunidade Autónoma de Galicia; norma desenvolvida polas ordes desta consellería do 12 de abril de 2004 e do 23 de abril de 2004, nas cales se determinan o procedemento de autorización e os requisitos mínimos dos espazos administrativos e docentes xenéricos cos que deben contar os centros.
Por isto, por proposta da Dirección Xeral de Centros e Recursos Humanos,
DISPOÑO:
Primeiro. Autorizar na modalidade a distancia os módulos do bloque común e do bloque específico das ensinanzas de técnico deportivo nas disciplinas hípicas de Salto, Doma e Concurso Completo e das ensinanzas de técnico superior en Hípica, no centro que se sinala a seguir:
Denominación xenérica: Centro Autorizado de Ensinanzas Deportivas.
Denominación específica: Santa Apolonia.
Código do Centro: 15032558.
Titular: María del Rosario Medina Gómez.
Domicilio: Poza Real nº 5, A Rocha.
Localidade: Santiago de Compostela.
Concello: Santiago de Compostela.
Provincia: A Coruña.
Módulos que se autorizan na modalidade a distancia:
Técnico deportivo nas disciplinas de Doma, Salto e Concurso Completo (Decreto 187/2015, do 3 de decembro) |
||
Ciclo inicial |
Ciclo final |
|
Módulos do bloque común |
MED-C101. Bases do comportamento deportivo. MED-C102. Primeiros auxilios. MED-C103. Actividade física adaptada e discapacidade. MED-C104.Organización deportiva. |
MED-C201. Bases da aprendizaxe deportiva. MED-C202. Bases do adestramento deportivo. MED-C203. Deporte adaptado e discapacidade. MED-C204. Organización e lexislación deportiva. MED-C205. Xénero e deporte. |
Módulos do bloque específico |
MED-HIHI102. Transporte e mantemento físico do cabalo pé a terra. MED-HIHI103. Hipoloxía. MED-HIHI106. Eventos hípicos. |
MED-HIHI202. Ensinanza e tecnificación hípica. MED-HIHI203. Bases do adestramento deportivo do cabalo. MED-HIHI204. Preparación física do/da xinete. MED-HIHI205. Paraecuestre. MED-HIHI206. Organización de eventos hípicos. MED-HITE214. Medio natural. |
Técnico deportivo superior en Hípica (Real decreto 934/2010, do 23 de xullo) |
|
Módulos do bloque común |
MED-C301. Factores fisiolóxicos do alto rendemento. MED-C302. Factores psicosociais do alto rendemento. MED-C303. Formación de formadores deportivos. MED-C304. Organización e xestión aplicada ao alto rendemento. |
Módulos do bloque específico |
MED-HIHI302. Planificación e programación do alto rendemento en hípica. MED-HIHI303. Preparación física do xinete ou a amazona. MED-HIHI305. Dirección e xestión dun centro ecuestre. MED-HIHI306. Adestramento técnico táctico en hípica. MED-HIHI307. Dirección técnica en competicións hípicas de ARD. MED-HIHI308. Organización e xestión de competicións hípicas de ARD. |
Segundo. Antes da posta en funcionamento das ensinanzas que se autorizan, a Xefatura Territorial da Consellería de Cultura, Educación e Ordenación Universitaria da Coruña, logo do informe do Servizo Territorial de Inspección Educativa, aprobará expresamente a relación de persoal que impartirá docencia no devandito centro, así como o equipamento adecuado.
Terceiro. Esta orde dará lugar á correspondente inscrición no Rexistro de Centros da Comunidade Autónoma de Galicia.
Cuarto. O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, directamente, recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 15 de decembro de 2015
Román Rodríguez González
Conselleiro de Cultura, Educación e Ordenación Universitaria