Con data do 26 de outubro de 2016, a instrutora do procedemento ditou proposta de resolución do expediente sancionador 2016276AM-PO, incoado na Xefatura Territorial da Consellería de Sanidade de Pontevedra a Hotel Hermida 5000, S.L., con CIF B36585818, como titular do establecemento Hotel Hermida 5000.

Tras intentar a notificación desta proposta consonte o artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, non se puido efectuar, polo que, mediante esta cédula se lle notifica a Hotel Hermida 5000, S.L. o contido da dita proposta, que figura no anexo, segundo o disposto no número 5 do referido artigo, para que teña coñecemento del.

Así mesmo, fáiselle saber o dereito que a asiste, ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, para presentar alegacións, ante esta xefatura territorial, no prazo de quince (15) días hábiles contados desde o seguinte ao da publicación desta cédula, lembrándolle o seu dereito a consultar o expediente, depositado nas dependencias desta xefatura, sita en Pontevedra, no Edificio Administrativo da Xunta de Galicia; rúa Fernández Ladreda, número 43, 1º andar, e a obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.

Esta cédula expídese para que conste e lle sirva de notificación á interesada, en cumprimento do disposto no artigo 59.5 da Lei 30/1992, do 26 de novembro. Así mesmo, faise constar que a eficacia da notificación quedará supeditada á súa publicación no TEU do BOE.

A disposición transitoria terceira da Lei 39/2015, do 1 de outubro, do procedemento administrativo común das administracións públicas, di que aos procedementos xa iniciados antes da entrada en vigor da Lei non lles será de aplicación e que se rexeran pola normativa anterior.

Pontevedra, 21 de novembro de 2016

Ángeles Feijoo-Montenegro Fernández
Xefa territorial de Pontevedra

ANEXO

Número do expediente: 2016276AM-PO.

Denunciada: Hotel Hermida 5000, S.L., con CIF B36585818, como titular do establecemento Hotel Hermida 5000.

Último enderezo coñecido: Caleiro, 82, 36619 Vilanova de Arousa (Pontevedra).

Feito imputado: suposta infracción do previsto no Real decreto 140/2003, do 7 de febreiro, polo que se establecen os criterios sanitarios da calidade da auga de consumo humano, e no Real decreto 865/2003, do 4 de xullo, polo que se establecen os criterios hixiénico-sanitarios para a prevención e control da lexionelose.

Preceptos presuntamente infrinxidos:

Real decreto 140/2003, do 7 de febreiro, polo que se establecen os criterios sanitarios da calidade da auga de consumo humano:

–Artigo 10.2. As augas de consumo humano distribuídas ao consumidor por redes de distribución públicas ou privadas, cisternas ou depósitos deberán ser desinfectadas.

– Art. 17.1. En termos xerais, en cada abastecemento controlaranse os parámetros fixados no anexo I […]

Real decreto 865/2003, do 4 de xullo, polo que se establecen os criterios hixiénico-sanitarios para a prevención e o control da lexionelose.

Art. 8. Programas de mantemento nas instalacións.1: Para as instalacións recollidas no artigo 2.2.1 elaboraranse programas de mantemento hixiénico-sanitario adecuados ás súas características e incluirán polo menos os seguintes:

a) Elaboración dun plano sinalizado de cada instalación que recolla todos os compoñentes […]

b) Revisión e exame de todas as partes da instalación para asegurar o correcto funcionamento […]

c) Programa de tratamento da auga […]

d) Programa de limpeza e desinfección de toda a instalación […]

e) Existencia dun rexistro de mantemento de cada instalación que recolla todas as incidencias […]

Anexo 3.B. Limpeza e desinfección

Tipificación: unha infracción administrativa tipificada como grave no artigo 42.e) da Lei 8/2008, do 10 de xullo, de saúde de Galicia.

Sanción proposta: tres mil cinco euros con sete céntimos (3.005,07 €).