Expediente: IN407A 2016/372-1.
Promotora: Unión Fenosa Distribución, S.A.
Instalación: LMT, CT e RBT Rúa do Tambre.
Concello: Santiago de Compostela.
Feitos:
1. O 8 de abril de 2016 a promotora solicitou a autorización administrativa previa, autorización administrativa de construción e declaración de utilidade pública da instalación de distribución eléctrica indicada.
2. Características técnicas:
– LMTS a 20 kV, de 260 m e condutor tipo RHZ1-2OL-12/20 kV-1×240 Al, con orixe na LMTA SCY-824 e final no CT proxectado Rúa do Tambre.
– CTC Rúa do Tambre, cunha potencia de 250 kVA e unha relación de transformación de 20.000/400-230 V con illamento e corte en SF6.
3. O proxecto someteuse ao trámite de información pública mediante resolución publicada nos seguintes medios:
– Resolución de información pública: 4 de maio de 2016.
– DOG: 2 de xuño de 2016.
– BOP: 20 de maio de 2016.
– Xornal La Voz de Galicia: 24 de xuño de 2016.
– Taboleiro de anuncios do concello: segundo certificado municipal do 27 de xuño de 2016.
Ao mesmo tempo realizáronse notificacións individuais aos titulares que figuran na relación de bens e dereitos afectados.
4. Durante o período en que se someteu ao trámite de información pública, foron presentadas as seguintes alegacións.
• Miguel Javier Becerril Pérez-Romero (Igrexa de Xesús Cristo dos Santos dos Últimos Días), mediante escritos do 14.6.2016 e do 1.8.2016, expresa a súa oposición ao expediente expropiatorio alegando, en síntese, o seguinte:
– Existe unha discrepancia na identificación da afección proposta entre a notificación recibida e a publicada no DOG e BOP. Solicita que se aclare esta cuestión e salienta a importancia que ten a correcta identificación dos bens afectados para a tramitación do expediente expropiatorio.
– Tendo en conta o disposto na Lei 24/2013 e no Real decreto 1955/2000 respecto das limitacións á servidume e da preferencia da instalación por terreos de titularidade pública no canto dos privados, entende que a liña proxectada podería transcorrer pola beirarrúa que linda coa propiedade e, no caso do transformador, ir soterrado na dita beirarrúa, sen ter que afectar o interior da propiedade.
• Baltasar Otero Rodríguez, mediante escrito do 4.6.2016, solicita que non se declare a utilidade pública e que se soterre na súa totalidade a liña proxectada, alegando, en síntese, o seguinte:
– A liña proxectada estaría na súa maior parte en solo urbano e urbanizable.
– O PXOM de Santiago de Compostela prescribe, con carácter xeral, o soterramento das redes eléctricas.
Que a afección que resultaría do dito sería menor do previsto por UFD.
Destas alegacións deuse traslado a promotora, que contestou:
• Escrito do 21.6.2016, no cal se valoran as alegacións presentadas por Baltasar Otero Rodríguez, no cal, en síntese, manifesta o seguinte:
– A liña proxectada é enteiramente soterrada, e o tramo aéreo a que presuntamente se refire o alegante non é obxecto do expediente.
– No que concirne á utilidade pública, esta queda prescrita polo artigo 54 da Lei 24/2013, do sector eléctrico.
• Escrito do 8.7.2016, no cal se valoran as alegacións presentadas por Javier Becerril Pérez-Romero (Igrexa de Xesús Cristo dos Santos dos Últimos Días), no cal, en síntese, manifesta o seguinte:
– Na relación de bens e dereitos afectados remitida por UFD figura que a afección á parcela en cuestión é a referenciada como número 2 e comprende 30 m2 en pleno dominio.
– A instalación que se proxecta establece unha LMTS e un CT. No caso deste predio, só queda afectada polo centro de transformación.
– UFD rexeita a modificación do trazado solicitado, alegando, en síntese, o seguinte:
– O deseño proxectado é o máis axeitado para o fin perseguido.
– No caso da parcela que nos ocupa non existen as limitacións á servidume de paso establecidas no artigo 58 da Lei 24/2013 ou no artigo 161 do Real decreto 1955/2000.
– No linde da parcela non existen beirarrúas.
– Alén do anterior, o alegante non achega ningunha documentación que demostre os requisitos necesarios para un cambio de trazado prescritos na normativa citada.
O prexuízo causado pola afección será valorado polo Xurado de Expropiación de Galicia.
5. Solicitouse o preceptivo informe ás distintas administracións, organismos ou, se for o caso, empresas de servizo público ou de servizos de interese xeral afectados. A promotora manifestou a súa conformidade cos condicionados establecidos.
6. Os servizos técnicos da Xefatura Territorial emitiron informe favorable sobre a dita solicitude.
Consideracións legais e técnicas:
1. Lexislación de aplicación:
– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).
– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).
– Real decreto 842/2002, do 2 de agosto, polo que se aproba o Regulamento electrotécnico para baixa tensión (BOE núm. 224, do 18 de setembro).
– Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).
– Decreto 36/2001, do 25 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 34, do 16 de febreiro).
– Decreto 129/2015, do 8 de outubro, polo que se fixa a estrutura orgánica das consellerías da Xunta de Galicia (DOG núm. 194, do 9 de outubro).
– Decreto 175/2015, do 3 de decembro, polo que se establece a estrutura orgánica da Consellería de Economía, Emprego e Industria (DOG núm. 232, do 4 de decembro).
– Lei do 16 de decembro de 1954, sobre expropiación forzosa (BOE núm. 351, do 17 de decembro).
– Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).
2. Na visita de campo realizada para examinar a localización das instalacións non se apreciou, nos predios sometidos a expropiación, ningunha das limitacións á constitución da servidume indicadas no artigo 58.a) da Lei 24/2013, do 26 de decembro, do sector eléctrico.
3. En relación coas alegacións formuladas e coas manifestacións do promotor, cómpre sinalar que:
– Non procede atender a solicitude realizada por Javier Becerril Pérez-Romero (Igrexa de Xesús Cristo dos Santos dos Últimos Días) polo seguinte:
Logo de requirimento (enviado o 11.10.2016), o alegante non achegou documentación de proposta dun trazado alternativo.
– Non procede atender a solicitude realizada por Baltasar Otero Rodríguez polo seguinte:
A liña proxectada é enteiramente soterrada e o tramo aéreo a que presuntamente se refire o alegante non é obxecto do expediente.
4. No expediente consta un informe favorable dos servizos técnicos desta xefatura territorial.
De acordo con todo o indicado,
RESOLVO:
1. Conceder a autorización administrativa previa, a autorización administrativa de construcción e a declaración de utilidade pública, en concreto, da instalación de distribución eléctrica indicada.
2. A instalación executarase no prazo dun ano, contado a partir da data de ocupación dos terreos.
A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa.
3. Para a posta en funcionamento da instalación autorizada, deberá presentar ante esta xefatura territorial unha solicitude que se acompañará da seguinte documentación:
– As declaracións de conformidade relativas ao material ou equipamento e as certificacións ou homologacións, se procede.
– Un certificado do director da montaxe no cal se garantirá o cumprimento das especificacións do proxecto e as prescricións complementarias, se as houber, así como das regulamentacións e normas oportunas para a montaxe da instalación e posta a punto.
4. Esta autorización outórgase sen prexuízo doutras que sexan de aplicación segundo a lexislación vixente, en especial a relativa á ordenación do territorio e ao ambiente.
Contra esta resolución, que non é definitiva en vía administrativa, poderá interporse recurso de alzada ante o conselleiro de Economía, Emprego e Industria, no prazo dun mes, contado a partir do día seguinte ao da notificación ou publicación nos termos establecidos na Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuizo de que os interesados poidan interpor calquera outro recurso que consideren pertinente.
A Coruña, 15 de novembro de 2016
Isidoro Martínez Arca
Xefe territorial da Coruña