De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de ser intentada sen éxito a notificación persoal a través do servizo de Correos, notifícase á entidade relacionada no anexo a resolución do expediente de reintegro da subvención concedida.

Os interesados poderán comparecer nas dependencias desta dirección xeral, sita no Edificio Administrativo San Lázaro, s/n, en Santiago de Compostela, 1º andar, de luns a venres, das 9.00 ás 14.00 horas, para o coñecemento íntegro da resolución e a constancia de tal coñecemento.

A resolución que se notifica esgota a vía administrativa. Os interesados poderán interpor contra ela recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia; así mesmo, poderá interporse recurso de reposición ante o conselleiro de Economía, Emprego e Industria no prazo dun mes. A eficacia do acto administrativo queda supeditada á súa publicación no taboleiro de edictos único do Boletín Oficial del Estado (TEU do BOE), polo que os mencionados prazos contaranse a partir do día seguinte ao de publicación deste anuncio no TEU do BOE.

Sen prexuízo do anterior, e en virtude do disposto no artigo 59.4 da citada Lei 30/1992, este anuncio publícase no Diario Oficial de Galicia.

Santiago de Compostela, 27 de novembro de 2016

Covadonga Toca Carús
Secretaria xeral de Emprego

ANEXO

Entidade: Federación de Autónomos de Galicia (Feaga).

Enderezo: r/ Juan Flórez, núm. 36, 1º H, 15004 A Coruña

Número de expediente: TR352A 2013/63-0.

Acto que se notifica: resolución do procedemento de reintegro.

Data do acto: 9 de novembro de 2016.

Preceptos incumpridos: artigo 13.1.d) e 15 da citada Orde do 20 de maio de 2013 e artigo 33.1.f) da Lei 9/2007, do 13 de xuño, de subvencións de Galicia.

Cantidade que se vai reintegrar: 17.586,56 €.