Eu, Encarnación Mercedes Tubío Lariño, secretaria do Xulgado do Social número catro da Coruña, dou fe e certifica que neste xulgado se seguen autos número 652/2015 bis-2 por instancia de José Ramón Muiño Regueira, e doutro como demandadas, a empresa Sumtec, S.L, as empresas Puertas Blindex, S.L., General Panels, S.L., Bianinver Sociedad de Inversiones, S.L., Caamaño y Bianchi Sociedad de Inversiones, S.L. (desistida), o administrador concursal de Sumtec, S.L., Sr. Fernández Obanza Carro e Fondo de Garantía Salarial, sobre resolución de contrato y despedimento, se ditou sentenza con data do 30 de setembro de 2016 que, copiada nos particulares necesarios, di así:

«Resolución:

Estímase parcialmente a demanda de reclamación de cantidade interposta por José Ramón Muiño Regueira fronte ás empresas Sumtec, S.L., Puertas Blindex, S.L., General Panels, S.L., Bianinver Sociedad de Inversiones, S.L., Caamaño y Bianchi Sociedad de Inversiones, S.L. (desistida), o administrador concursal de Sumtec, S.L. e Fondo de Garantía Salarial e, en consecuencia:

– Absólvese as empresas General Panels, S.L. e Bianinver Sociedad de Inversiones, S.L. das pretensións fronte a elas exercidas.

– Condénase solidariamente as empresas Sumtec, S.L. a Puertas Blindex, S.L. a aboar ao demandante a cantidade vinte e dous mil cincocentos cincuenta e oito euros con catorce céntimos de euro (22.558,14 euros), vinculando tales cantidades ao o administrador concursal de Sumtec, S.L.

Notifíquese a presente resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución abondando a manifestación da parte ou do seu avogado, graduado social, ou representante dentro do indicado prazo.

Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado facendo constar no ingreso o número de procedemento.

Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».

E para que conste, para os efectos da súa publicación no Diario Oficial de Galicia co fin de que sirva de notificación en forma ás empresas General Panels, S.L. e Bianinver Sociedad de Inversiones, S.L. expido e asino a presente notificación.

A Coruña, 18 de novembro de 2016

O secretario xudicial