Número de identificación único: 15030 33 3 2008 0016342
Procedemento ordinario 4290/2008-E
Recorrente: Plataforma de Veciños O Cruceiro de Meá, Federación de Asociaciones Vecinales de Ferrol Roi Xordo
Letrada: Patricia Gabeiras Vázquez/Procurador: Jorge Bejerano Pérez
Administración demandada: Consellería de Presidencia, Administracións Públicas e Xustiza. Letrado da Xunta de Galicia
Codemandada: Regasificadora del Noroeste, S.A. (Reganosa)
Letrado: Carlos Martínez González. Procuradora: María Ángeles González González
No procedemento ordinario arriba indicado acordouse expedir o presente, co fin de que se publique no Diario Oficial de Galicia a parte dispositiva da sentenza ditada polo Tribunal Supremo o 26.7.2016.
«Decidimos que, con estimación do primeiro motivo de casación invocado e sen examinar o resto, debemos declarar e declaramos que procede o recurso interposto polo procurador Ignacio Calleja García, en nome e representación da Plataforma de Veciños O Cruceiro de Meá, contra a sentenza pronunciada, con data do 20 de marzo de 2014, pola Sección Segunda da Sala do Contencioso-Administrativo do Tribunal Superior de Xustiza de Galicia no recurso contencioso-administrativo número 4290/2008, a que, por conseguinte, anulamos, ao mesmo tempo que, con estimación do recurso contencioso-administrativo sostido pola representación procesual da referida Plataforma de Veciños O Cruceiro de Meá contra o Decreto 144/2007, do 9 de xullo, da Xunta de Galicia, polo que se aprobou o Plan de emerxencia exterior da planta de recepción, almacenamento, regasificación e expedición de gas licuado da empresa Regasificadora del Noroeste, S.A. no concello de Mugardos (A Coruña), debemos declarar que os ditos decreto e plan son contrarios ao dereito polo que os anulamos tamén, sen facer expresa condena ao pagamento das custas procesuais causadas na instancia e neste recurso de casación. Así por esta nosa sentenza, pronunciámolo, mandámolo e asinámolo, debendo facerse saber ás partes, ao notificárllela que contra ela non cabe recurso ordinario ningún. Publicación. Lida e publicada que foi a anterior sentenza por Jesús Ernesto Peces Morate, maxistrado relator nestes autos, do que como letrada da Administración de xustiza, certifico».
A Coruña, 7 de novembro de 2016
Inmaculada Pérez Arrojo
Letrada da Administración de xustiza