De conformidade coa proposta elevada polas comisións nomeadas para xulgar os concursos para a provisión de prazas de corpos docentes universitarios, convocados mediante resolución desta universidade con data do 5 de agosto de 2016 (BOE do 23 de agosto), e unha vez presentada polas persoas interesadas a documentación a que fai referencia a base oitava da convocatoria, esta reitoría, no uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e polo artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolveu efectuar os nomeamentos que se relacionan no anexo.

Estes nomeamentos producirán plenos efectos a partir da correspondente toma de posesión por parte das persoas interesadas, que deberá efectuarse no prazo máximo de 20 días, contados desde o día seguinte ao da publicación desta resolución no Boletín Oficial del Estado.

Contra a presente resolución, que esgota a vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses, contados desde o seguinte ao da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Non obstante, os interesados poderán interpor recurso potestativo de reposición no prazo dun mes, ante o órgano que ditou o acto, sen que neste caso se poida interpor recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 116 e 117 da LRX-PAC.

Santiago de Compostela, 17 de novembro de 2016

Juan Manuel Viaño Rey
Reitor da Universidade de Santiago de Compostela

ANEXO

Nº de concurso	Nome	Apelidos	DNI/NIE	Corpo docente	Área de coñecemento	Departamento	Localidade	Código da praza
2344/16	María Mercedes	Díaz de Cerio Díez	29152892R	Catedrático de universidade	Filoloxía grega	Filoloxía Clásica, Francesa e Italiana	Santiago de Compostela	A00553
2349/16	Jorge	Sineiro Torres	35315976M	Titular de universidade	Enxeñaría química	Enxeñaría Química	Santiago de Compostela	C01770
2347/16	Víctor Manuel	Brea Sánchez	33300420P	Titular de universidade	Electrónica	Electrónica e Computación	Santiago de Compostela	C01768