A Dirección da Axencia Galega de Infraestruturas ditou, o 15 de setembro de 2016, resolución no procedemento de restitución da legalidade viaria que se indica, instruído segundo o disposto na Lei 8/2013, do 28 de xuño (LEG), de estradas de Galicia. Na dita resolución declárase a caducidade do procedemento e disponse que por parte do servizo de infraestruturas se incoe, se é o caso, un novo procedemento de restitución da legalidade viaria polos mesmos feitos.
Intentada a notificación persoal desta resolución, consonte establece o artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, non foi posible a súa práctica. Por medio do presente anuncio, e segundo dispoñen os artigos 59.5 e 61 da devandita norma legal, tendo en conta que en atención á protección de intereses lexítimos se publica soamente o contido mínimo do acto, emprázase a persoa interesada que se indica no anexo para ser notificada por comparecencia da resolución cuxo contido se sinala. A comparecencia que poderá realizar deberá efectuarse no prazo de dez (10) días contados desde o seguinte ao da publicación deste anuncio no taboleiro de edictos único (TEU) do Boletín Oficial del Estado, na sede do Servizo de Xestión Xurídico-Administrativa da Axencia Galega de Infraestruturas, no Edificio Administrativo San Caetano, Santiago de Compostela, ou tamén no servizo da delegación da axencia na provincia correspondente. Transcorrido o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer. A eficacia desta notificación queda supeditada á súa publicación no taboleiro de edictos único.
Así mesmo, ponse no seu coñecemento que a dita resolución sancionadora non esgota a vía administrativa e poden interpoñer recurso de alzada ante a presidenta da axencia. O prazo de interposición do devandito recurso será dun mes, computado desde o día seguinte ao remate do prazo de dez días antes sinalado ou da comparecencia da persoa interesada, de ser o caso.
Santiago de Compostela, 28 de outubro de 2016
Francisco Menéndez Iglesias
Director da Axencia Galega de Infraestruturas
ANEXO
Expediente, provincia: V/241/15 ref. bis: 20/15 Pontevedra.
Interesado: Carlos Viéitez Fernández.
Último enderezo coñecido: Meaño.
Feitos: mantemento dun muro de peche e marquesiña incumprindo a autorización.
Estrada: PO-303, Samieira-Castrelo, p.q. 11+500.
Resolución: declaración de caducidade e orde de incoación, de ser o caso, dun novo procedemento de restitución da legalidade.