A Dirección da Axencia Galega de Infraestruturas adoptou acordo de cualificación de maior gravidade da infracción que motiva o procedemento sancionador que se indica, tipificada na Lei 8/2013, do 28 de xuño, de estradas de Galicia (LEG). Intentada a notificación persoal deste acordo, non foi posible a súa práctica.
Por medio do presente anuncio, e segundo dispoñen os artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, emprázase a persoa interesada que se indica no anexo para ser notificada por comparecencia do acto cuxo contido se sinala. A comparecencia que poderá realizar deberá efectuarse no prazo de dez (10) días contados desde o seguinte ao da publicación deste anuncio no taboleiro de edictos único (TEU) do Boletín Oficial del Estado, na sede do Servizo de Xestión Xurídico-Administrativa, da Axencia Galega de Infraestruturas, no Edificio Administrativo San Caetano, Santiago de Compostela, ou tamén no Servizo de Infraestruturas da Delegación da Axencia na provincia correspondente. A eficacia desta notificación queda supeditada á súa publicación no dito taboleiro de edictos único.
Santiago de Compostela, 27 de outubro de 2016
Francisco Menéndez Iglesias
Director da Axencia Galega de Infraestruturas
ANEXO
Expediente: SANC/22/16, ref. bis 3/16. Provincia: Pontevedra. Feito imputado: realizar recheo en parcela, interrompendo a drenaxe transversal en bueiro da estrada. Interesado: Alejandro Mon Munaiz. Estrada afectada: PO-400, Salvaterra-Filgueira, p.q. 2+000. Concello de último domicilio coñecido do interesado: Salvaterra de Miño. Acto notificado: acordo de cualificación de maior gravidade da infracción.