Procedemento ordinario 60/2011
Sobre outras materias
Demandantes: Ricardo Gañete Núñez, Manuel Ramiro Gañete Brey
Procurador: Francisco Javier Fernández Somoza
Demandados: herdanza xacente de Constantino Requeijo Rey, herdanza xacente de José Requeijo Rey, herdanza xacente de Avelina Requeijo Rey
Cédula de notificación.
No procedemento de referencia ditouse a resolución do teor literal seguinte:
Sentenza.
Procedemento ordinario 60/2011.
A Estrada, 4 de xuño de 2014
Ivana Aisa Muíños Romero, xuíza do Xulgado de Primeira Instancia e Instrución número 1 da Estrada e o seu partido, despois de ver os presentes autos de procedemento ordinario 60/2011, seguidos ante este xulgado por instancia de Manuel Ramiro Gañete Brey e Ricardo Gañete Núñez, representado polo procurador Sr. Sanmartín Losada e defendido polo letrado Sr. Tabora Sánchez, contra as herdanzas xacentes de Avelina, José e Constantino Requeijo Rey, en situación procesual de rebeldía, ditou, en nome da súa maxestade o rei, a seguinte sentenza
Fallo:
Estímase a demanda interposta polo procurador Sr. Sanmartín Losada, en nome e representación de Manuel Ramiro Gañete Brey e Ricardo Gañete Núñez fronte ás herdanzas xacentes de Avelina, José e Constantino Requeijo Rey, en situación procesual de rebeldía.
En consecuencia, declárase disolta a situación de condominio existente ata a data respecto dos predios número 656 e número 678 do plano xeral da zona de concentración parceira de Santa Mariña de Ribeira (A Estrada), e procédese á venda destes en pública poxa, con admisión de licitadores estraños e con repartición do prezo en proporción á participación que demandantes e demandados teñan nas mencionadas parcelas.
As custas procesuais impóñense á parte demandada, en atención ao disposto no fundamento xurídico terceiro.
Notifíquese a presente resolución ás partes.
Esta resolución non é firme e fronte a ela cabe interpoñer recurso de apelación no prazo de 20 contados desde o día seguinte ao da súa notificación, que debe prepararse ante este xulgado.
Así o acorda manda e asina Ivana Aisa Muíños Romero, xuíza do Xulgado de Primeira Instancia e Instrución número 1 da Estrada.
E como consecuencia do ignorado paradoiro dos demandados, expídese este edicto para que sirva de cédula de notificación.
A Estrada, 7 de setembro de 2016
O/a letrado/a da Administración de xustiza