Antecedentes:
No DOG núm. 189, do 4 de outubro de 2016, publicouse a Resolución do 27 de setembro de 2016 pola que se anuncia a contratación, por procedemento aberto non suxeito a regulación harmonizada con tramitación ordinaria, de nove (9) servizos relativos aos traballos preparatorios necesarios en cada fase do proceso de reestruturación parcelaria (Lei 4/2015), cofinanciada con fondos Feader do período 2014-2020 nun 75 %, medida 4.30 (expedientes 41 a 49/2016).
Advertido un erro na carátula do prego de cláusulas administrativas particulares do expediente identificado como 45/2016 (ST-4869 Proxecto de colaboración de servizos técnicos para a realización do acordo de reestruturación parcelaria na zona de Quins), no relativo ao prazo e á execución do contrato, unha vez corrixido, publícase a carátula no perfil do contratante http://www.contratosdegalicia.es/resultado.jsp?N=63036.
Como consecuencia desta corrección, na alínea Ñ da carátula onde dicía: «O prazo de execución será de 22 meses contados a partir do día seguinte ao da sinatura do contrato, sen prórroga (ou prazo menor ofertado polo adxudicatario)», di: «O prazo de execución será de 18 meses contados a partir do día seguinte ao da sinatura do contrato, sen prórroga (ou prazo menor ofertado polo adxudicatario)». Esta corrección, ademais, afecta as alíneas I e J da carátula.
Permanecen inalterados os aspectos detallados no anuncio de licitación.
Así mesmo, esta corrección afecta o prazo de presentación de proposicións recollido no punto 9 da Resolución do 27 de setembro de 2016, que queda do seguinte xeito:
«Data límite de presentación: 15 días naturais contados desde o día seguinte ao da publicación desta resolución no Diario Oficial de Galicia. Se o último día de presentación de ofertas coincide en día inhábil, o prazo de presentación rematará o primeiro día hábil seguinte».
O que se fai público para coñecemento xeral e, en especial, para o das empresas interesadas.
Santiago de Compostela, 17 de outubro de 2016
A conselleira do Medio Rural
P.D. (Orde do 17.11.2015; DOG núm. 223, do 23 de novembro)
Mª del Carmen Bouso Montero
Secretaria xeral técnica da Consellería do Medio Rural