Eu, Patricia Cacheda Varela, letrada da Administración de xustiza do Xulgado de Primeira Instancia e Instrución número 2 de Ordes, por este edicto,
Anuncio:
No procedemento de filiación 69/2015, seguido por instancia de José Antonio Viqueira Vieites contra os herdeiros descoñecidos e incertos de Luis Pedro Concheiro Iglesias, ditouse a Sentenza do 29 de xuño de 2016 cuxa resolución contén o particular do teor literal seguinte:
«Que, desestimando integramente a demanda presentada pola representación de José Antonio Viqueira Vieites contra os herdeiros descoñecidos e incertos de Luis Concheiro Iglesias, debo absolver e absolvo todos eles de todas as pretensións formuladas na súa contra.
Non se fai expresa imposición de custas procesuais.
Esta resolución non é firme e contra ela poderase interpor por escrito perante este xulgado, dentro dos vinte días seguintes ao da súa notificación, recurso de apelación para ante a Audiencia Provincial da Coruña».
Ao estar os ditos demandados, herdeiros descoñecidos e incertos de Luis Pedro Concheiro Iglesias, en paradoiro descoñecido, expídese este edicto co fin de que lles sirva de notificación.
Ordes, 29 de xuño de 2016
A letrada da Administración de xustiza