Encarnación Mercedes Tubío Lariño, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 996/2013, por instancia de Luciano Patiño Riveiro contra a empresa Rofe Innovaciones, S.L., sobre cantidade, nos cales se ditou Sentenza do 12.9.2016, que copiada nos particulares necesarios di así:
«Resolvo que se acepta demanda formulada por Luciano Patiño Riveiro fronte á empresa Rofe Innovaciones, S.L. e, en consecuencia:
– Condénase a empresa Rofe Innovaciones, S.L. a aboarlle ao demandante a cantidade de tres mil catrocentos vinte e dous euros con oitenta e dous céntimos de euro (3.422,82 euros).
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución. Abonda a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, ao mesmo tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia, co fin de que lle sirva de notificación en forma á empresa Rofe Innovaciones, S.L., expido e asino este edicto.
A Coruña, 16 de setembro de 2016
A secretaria xudicial