Despido obxectivo individual (DOI) 276/2016 p

Sobre: despedimento

Demandante: José Manuel Rodríguez Quindimil

Avogado: Francisco Javier Castro Freire

Demandada: Eurográficas Pichel, S.L., Fogasa

Avogado: (…), Fogasa

Eu, Susana Varela Amboage, letrada da Administración de xustiza do Xulgado do Social número 3 de Santiago de Compostela, fago saber que no procedemento de despedimento obxectivo individual 276/2016 deste xulgado do social, seguido por instancia de José Manuel Rodríguez Quindimil contra Eurográficas Pichel, S.L., Fogasa, sobre despedimento, se ditou a seguinte resolución:

Sentenza: 169/2016.

Despedimento obxectivo individual (DOI) 276/2016.

Sobre: despedimento.

Demandante: José Manuel Rodríguez Quindimil.

Demandada: Eurográficas Pichel, S.L., Fogasa.

Avogado: (…), Fogasa.

Sentenza.

Santiago de Compostela, 29 de xuño de 2016.

Sandra María Iglesias Barral, maxistrada XAT en función de reforzo do Xulgado do Social número 3 de Santiago de Compostela, despois de ver os presentes autos seguidos neste xulgado co número 276/2016, sendo parte nel, como demandante, José Manuel Rodríguez Quindimil, asistido polo graduado social Sr. Castro Freire e, como demandados, as empresas Eurográficas Pichel, S.L. e Miguel Ángel Lamela Méndez, en calidade de administrador concursal, que non comparecen, ao igual que o Fogasa (Fondo de Garantía Salarial), sobre despedimento e reclamación de cantidade, pronunciou esta sentenza, en nome do rei, con base nos seguintes

Decisión:

Que estimando a demanda formulada por José Manuel Rodríguez Quindimil, declaro a improcedencia do seu despedimento e extinguida a relación laboral con efectos da data desta sentenza e condeno a empresa demandada a que lle aboe a cantidade de 9.502,24 euros, en concepto de indemnización calculada a razón de 53,99 euros/día, así como os salarios de tramitación desde a data do despedimento (4.3.2016) ata a data desta sentenza, máis o importe de 809,85 euros como indemnización por falta de aviso previo e de 700,81 euros como salario debido. Todo iso sen prexuízo das responsabilidades legais do Fogasa.

Notifíqueselles ás partes, facéndolles saber que, en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial as partes ou interesados e, de ser o caso, os profesionais designados sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.

Contra esta resolución cabe recurso de suplicación ante o TSXG, o cal deberá anunciarse neste xulgado no prazo dos cinco días seguintes á notificación desta resolución. Abondará a manifestación da parte ou do seu avogado, graduado social colexiado ou representante dentro do indicado prazo.

É indispensable que ao tempo de anuncialo acredite a parte que non teña o carácter de traballador ou habente causa seu ou beneficiaria do réxime público de Seguridade Social ou non goce do beneficio de xustiza gratuíta, ter consignado como depósito a cantidade de 300 € na conta deste xulgado, así como acreditar ao anunciar o recurso ter consignado na conta de depósitos e consignacións aberta a nome deste xulgado a cantidade obxecto de condena. Poderá substituírse a consignación en metálico polo aseguramento mediante aval bancario, no cal deberá facerse constar a responsabilidade solidaria do avalista.

Están exentos de constituír o depósito e a consignación indicada as persoas e entidades comprendidas no número 4 do artigo 229 da LRXS.

Así o acorda, manda e asina Sandra María Iglesias Barral, maxistrada JAT en función de reforzo do Xulgado do Social número 3 de Santiago de Compostela.

E para que lle sirva de notificación en legal forma a Eurográficas Pichel, S.L., en ignorado paradoiro, expido o presente para a súa inserción no Diario Oficial de Galicia e no taboleiro de anuncios deste xulgado.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.

Santiago de Compostela, 20 de xullo de 2016

A letrada da Administración de xustiza