Para os efectos previstos no Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19.10.2013) e da Lei 21/2013, do 9 de decembro, de avaliación ambiental (BOE núm. 296, do 11 de decembro), faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedarán expostos os documentos titulados:
– Proxecto básico para a solicitude de modificación substancial da autorización ambiental integrada da planta de fabricación de clínker e cemento de Oural, de xullo de 2016 e
– Resumo. Proxecto básico para a solicitude de modificación substancial da autorización ambiental integrada da planta de fabricación de clínker e cemento de Oural, de xullo de 2016.
Para que calquera interesado poida consultalos e, se é o caso, formular no dito prazo as alegacións, suxestións ou observacións que xulgue convenientes. Os documentos estarán á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental, Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela).
Ademais poderán consultalos na páxina web da Consellería de Medio Ambiente e Ordenación do Territorio (http://www.cmati.xunta.es/ >>medio ambiente e sostibilidade >>prevención e control de actividades>>autorización ambiental integrada >>proxectos en información pública).
Santiago de Compostela, 26 de xullo de 2016
Justo de Benito Basanta
Secretario xeral de Calidade e Avaliación Ambiental
ANEXO
Memoria resumo
Clave do expediente: 2016-IPPC-M-36.
Peticionaria: Cementos Cosmos, S.A.
CIF: A28013704.
Domicilio social: rúa do Brasil, 56, 36204 Vigo (Pontevedra).
Localización da instalación: estrada de Oural, 27392 Sarria (Lugo).
Actividade: fabricación de clínker e de cemento.
Descrición da modificación: consiste en ampliar a gama de residuos que se van empregar tanto como materias primas como combustibles alternativos e aumentar a cantidade máxima de toneladas e a taxa de substitución térmica autorizada.
Verteduras: o proceso de fabricación da planta non xera augas residuais, polo que as únicas verteduras que se van considerar son as de augas pluviais e sanitarias. A modificación non supón cambios respecto da situación actual.
