Tipo e número de recurso: RSU recurso de suplicación 3422/2015

Xulgado de orixe/autos: seguridade social 767/2014 Xulgado do Social número 3 de Ourense

Recorrente: José Palomanes Lafuente

Avogada: Celia Pereira Porto

Recorridos: Instituto Nacional da Seguridade Social, Tesouraría Xeral da Seguridade Social, Asepeyo, Mutua de Accidentes de Trabajo y Enfermedades Profesionales de la Seguridad Social número 151, Mutua Gallega de Accidentes de Trabajo, Umivale Mutua de Accidentes de Trabajo y Enfermedad Profesionales de la Seguridad Social número 15, Fremap, Mutua de Accidentes de Trabajo y Enfermedades Profesionales número 61, Pozos y Sondeos Freire, S.L., Pozos de Barrena Freire, S.L.

M. Asunción Barrio Calle, letrada da Administración de Xustiza da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 3422/2015-S-A, seguido por instancia de José Palomanes Lafuente contra o Instituto Nacional da Seguridade Social, a Tesouraría Xeral da Seguridade Social, Asepeyo, Mutua de Accidentes de Trabajo y Enfermedades Profesionales de la Seguridad Social número 151, Mutua Gallega de Accidentes de Trabajo, Umivale Mutua de Accidentes de Trabajo y Enfermedades Profesionales de la Seguridad Social número 15, Fremap, Mutua de Accidentes de Trabajo y Enfermedades Profesionales número 61, Pozos y Sondeos Freire, S.L., Pozos de Barrena Freire, S.L., sobre accidente de grao, se ditou a resolución cuxa parte dispositiva é do seguinte particular:

«Decidimos:

Que desestimando o recurso de suplicación interposto pola representación letrada do demandante José Palomanes Lafuente contra a sentenza ditada polo Xulgado do Social número 3 de Ourense, en data 25 de marzo de 2015, nos presentes autos 767/2014, sobre continxencia de IP total, fronte aos demandados o Instituto Nacional da Seguridade Social, a Tesouraría Xeral da Seguridade Social, a Mutua Gallega, Umivale, Mutua Fremap, Mutua Asepeyo, as empresas Pozos de Barrena Freire e Pozos y Sondeos Freire, S.L., debemos confirmar e confirmamos a dita sentenza.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público da Seguridade Social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 35, seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou concepto da transferencia” os 16 díxitos que corresponden ao procedemento (1552 0000 80 ou 35 **** ++).

Así, por esta a nosa sentenza, pronunciámolo, mandámolo e asinámolo».

E para que lle sirva de notificación en legal forma ás empresas Pozos de Barrena Freire e Pozos y Sondeos Freire, S.L., en ignorado paradoiro, expido o presente para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 29 de xuño de 2016