De conformidade coa normativa da Unión Europea reguladora dos fondos europeos procédese a dar publicidade ao cofinanciamento europeo, para os efectos do cumprimento da obriga de información e publicidade establecida na regulación europea sobre os fondos e, en xeral, do disposto na demais normativa que resulte de aplicación na materia e ao abeiro do previsto na Lei 9/2010, do 4 de novembro, de augas de Galicia, e no Decreto 32/2012, do 12 de xaneiro, polo que se aproba o estatuto da entidade pública Augas de Galicia, das seguintes actuacións:
1. Entidade adxudicadora.
Organismo: Augas de Galicia.
Dependencia que tramita o expediente: contratación.
Tipo de contrato: servizo.
Tramitación: ordinaria.
Procedemento: gasto menor.
2. Obxecto do contrato.
a) Título: realización dunha instrución técnica aplicable ao abastecemento autónomo.
Clave do expediente: GA.16017.
CPV (referencia de nomenclatura): 71356000-8.
Orzamento base: importe neto: 9.900,80 euros. Importe total: 11.979,97 euros.
Prazo de execución: seis meses.
Importe da oferta: importe neto: 9.700,80 euros. Importe total: 11.737,97 euros.
Empresa: SGS Tecnos, S.A.
b) Título: tradución e interpretación simultánea para a conferencia sobre abastecemento rural.
Clave do expediente: GA.16037.
CPV (referencia de nomenclatura): 79540000-1.
Orzamento base: importe neto: 2.308,60 euros. Importe total: 2.793,41 euros.
Prazo de execución: 4 horas. Celebrado entre as 10.00 h e as 14.00 h do día 10 de xuño de 2016.
Importe da oferta: importe neto: 2.300,00 euros. Importe total: 2.783,00 euros.
Empresa: Audiovisuales Codec, S.L.
3. Cofinanciamento da Unión Europea.
As actuacións referidas no punto 2) cofinanciaranse coa contribución do instrumento financeiro LIFE da Unión Europea, que poderá alcanzar ata a porcentaxe máxima do 50 % dos gastos do proxecto, a través dos fondos LIFE+política e gobernanza ambiental, que teñen por finalidade o cofinanciamento de accións e proxectos que contribúen ao desenvolvemento de conceptos políticos, tecnoloxías, métodos e instrumentos innovadores, dentro do proxecto aprobado LIFE12/ENV/ES/000557 «Solucións sostibles para pequenos abastecementos de auga (Life Rural Supplies)». Nos proxectos LIFE+política e gobernanza ambiental aprobados para o seu cofinanciamento comunitario o 7 de agosto de 2013, o beneficiario coordinador é o Concello de Abegondo e os participantes como socios beneficiarios Augas de Galicia e a Consellería de Sanidade.
En concreto, o gasto indicado coa letra a) no eido de Acción A.2: «Elaboración dunha instrución técnica aplicable ao abastecemento autónomo» e o indicado coa letra b) no eido de Acción E.2: «Xestión do proxecto».
Santiago de Compostela, 28 de xuño de 2016
A presidenta de Augas de Galicia
P.D. (Resolución do 30.1.2012; DOG nº 21, do 31 de xaneiro)
Roberto Rodríguez Martínez
Director de Augas de Galicia