De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 258, do 27 de novembro), logo de intentada sen éxito a notificación persoal a través do servizo de Correos, notifícase ao interesado, por medio do presente anuncio publicado no Diario Oficial de Galicia (DOG) e no Boletín Oficial del Estado (BOE), a resolución pola que se acorda o inicio do procedemento que se sinala no anexo.
A eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE).
O interesado poderá comparecer, no prazo de quince días hábiles contados desde o seguinte á publicación deste anuncio, nas oficinas da sede da Dirección Xeral de Pesca, Acuicultura e Innovación Tecnolóxica, sita no Edificio Administrativo San Caetano, s/n, Santiago de Compostela, das 9.00 ás 14.00 horas, de luns a venres, para o coñecemento íntegro do procedemento e en cuxo acordo de inicio se establece a posibilidade de formular as alegacións, presentar os documentos e xustificacións que xulgue pertinentes.
Santiago de Compostela, 29 de xuño de 2016
Juan Carlos Maneiro Cadillo
Director xeral de Pesca, Acuicultura e Innovación Tecnolóxica
ANEXO
Expediente: ini-extinc exp. ext-2016/0000129 - PE627A 3/2006.
Persoa interesada: Novo Airiños, S.L.
Acto de notificación: Resolución do 6 de xuño de 2016 pola que se acorda o inicio do procedemento de extinción da autorización de primeira venda de produtos pesqueiros que non sexan obxecto de primeira venda en lonxa.
Último enderezo coñecido: Camiño da Barreira, 6, 36350 Nigrán, Pontevedra.