Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento ordinario 315/2012 deste xulgado do social, seguido por instancia de Carlos Jiménez Díaz contra CTV, S.A., Uno TV, S.L., DUB Digital Audio, S.L., Cinemar Films, S.L., Editorial Compostela, S.A., Radio Televisión de Galicia, S.A., Filmanova, S.L., Studio XXI Producciones, S.L., Sodinor, S.A., Área 5.1 Factoría Audiovisual, S.L., Bren Entertainment, S.A., Sonorización Noroeste, S.A., Estudio Un de Doblaje, S.A., Intereuropa TV, S.A., Best Digital, S.A., Voces Meigas, S.A., Dobleson, S.L., Televisión de Galicia, S.A., Fondo de Garantía Salarial (Fogasa), Vídeo Galicia, S.A., sobre ordinario, se ditou sentenza cuxa decisión di así:

Decido.

Que admitindo parcialmente a demanda interposta por Carlos Jiménez Díaz contra Televisión de Galicia, S.A.; Radio-Televisión de Galicia, S.A., Editorial Compostela, S.A.; Studio XXI Producciones, S.L.; Sodinor, S.A.; C.T.V., S.A.; Área 51 Factoría Audiovisual, S.L.; Filmanova, S.L.; Un TV, S.L.; Dub Digital Audio, S.L.; Cinemar Films, S.L.; Bren Entertaiment, S.A.; Sonorización Noroeste, S.A.; Estudio Un de Doblaje, S.A.; Intereuropa TV, S.A.; Vídeo Galicia, S.A.; Best Digital, S.A.; Voces Meigas, S.A.; e Dobleson, S.L., debo condenar e condeno Televisión de Galicia, S.A., a aboarlle ao demandante a suma de 2.575,29 euros en concepto de diferenzas salariais e en concepto de complemento de capacitación e permanencia correspondentes aos meses de marzo, abril e maio de 2011, cantidade que se verá incrementada cos xuros do artigo 29.3 do ET desde a data de presentación da papeleta de conciliación ata a presente resolución e cos do artigo 576 da LAC a partir da presente resolución ata o completo pagamento; e debo condenar e condeno as restantes codemandadas a estar e pasar pola devandita declaración.

Notifíqueselles esta resolución ás partes facéndolles saber que esta é firme e, fronte a ela, non cabe recurso.

Así, por esta a miña sentenza, pronúncioo, mándoo e asínoo.

E para que sirva de notificación en legal forma a Vídeo Galicia, S.A. e a Sodinor, S.A., en ignorado paradoiro, expido o presente para a súa inserción no DOG.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 8 de xuño de 2016

A letrada da Administración de xustiza