1. O Pleno do Concello de Boimorto, en sesión ordinaria que tivo lugar o 28 de abril de 2016, adoptou, entre outros, o seguinte acordo:

(...)

Primeiro. Aprobar definitivamente o Plan especial de dotacións para ampliación da minirresidencia do concello de Boimorto (A Coruña), aprobado inicialmente por Decreto da Alcaldía 477/2014, do 24 de novembro, e provisionalmente por Decreto da Alcaldía 604/2015, do 2 de decembro de 2015.

Segundo. O Plan especial, en virtude do artigo 92 da Lei de ordenación urbanística e protección do medio rural de Galicia, terá vixencia indefinida, sen prexuízo da súa modificación ou revisión.

Terceiro. Este acordo de aprobación definitiva será publicado, no prazo dun mes desde a súa adopción, no Diario Oficial de Galicia, e o documento que conteña a normativa e as ordenanzas será publicado no Boletín Oficial da provincia. No anuncio de aprobación definitiva farase constar a remisión da documentación á consellería, tal e como se establece no punto cuarto deste acordo.

Cuarto. Como a competencia para a aprobación definitiva do Plan especial lle corresponde ao Concello, a aprobación definitiva será comunicada á consellería competente en materia de urbanismo e ordenación do territorio, ao tempo que se lle dará traslado dunha copia autenticada de dous exemplares do instrumento aprobado defnitivamente con todos os planos e documentos que integran o Plan especial, debidamente dilixenciados pola Secretaría do Concello, facendo constar a dita circunstancia.

Quinto. A eficacia do acto de aprobación definitiva e a entrada en vigor do plan quedan condicionadas ao cumprimento do disposto no artigo 92 da Lei de ordenación urbanística e protección do medio rural de Galicia e ao que dispoñía para o efecto a lexislación reguladora da Administración actuante. Neste sentido, o artigo 70 da Lei 7/1985, do 2 de abril, reguladora das bases do réxime local, sinala que o articulado das normas dos plans urbanísticos, así como os acordos correspondentes aos ditos plans urbanísticos cuxa aprobación definitiva sexa competencia dos entes locais, serán publicados no BOP e non entrarán en vigor ata que non se publique completamente o seu texto e transcorra o prazo previsto no artigo 65.2 da propia lei (quince días hábiles).

2. De acordo co sinalado no artigo 92.2 da Lei de ordenación urbanística e protección do medio rural de Galicia, publicáronse no BOP núm. 91, do 13 de maio de 2016, o texto normativo e os planos de ordenación.

3. En cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, o acto de aprobación definitiva do citado plan especial foi comunicado á Consellería de Medio Ambiente e Ordenación do Territorio o 18 de maio de 2016.

Boimorto, 30 de maio de 2016

María Jesús Novo Gómez
Alcaldesa