Anuncio da aprobación definitiva da modificación puntual do Plan especial de infraestruturas para instalación dun tanatorio-crematorio, nos terreos adxacentes ao cemiterio municipal dos Remedios, instados por Funeraria Mariano, S.L.
O Pleno do Concello de Betanzos, en sesión do 26 de abril de 2016, adoptou, entre outros, o seguinte acordo:
«Primeiro. Aprobar definitivamente a modificación puntual do Plan especial de infraestrutura para instalación de servizo de tanarorio instada por Tanatorios Mariano, S.L., de acordo co documento do arquitecto José M. Lorenzo Sánchez e os distintos informes que constan no expediente tramitado.
Segundo. Comunicar o acordo de aprobación definitiva da modificación puntual do plan especial á Consellería de Medio Ambiente, Territorio e Urbanismo xunto con dous exemplares da modificación puntual debidamente dilixenciados pola secretaría.
Terceiro. Publicar no Diario Oficial de Galicia o correspondente anuncio da aprobación definitiva da modificación puntual facendo constar a súa remisión á Consellería de Medio Ambiente, Territorio e Urbanismo e os recursos que caben contra o citado acto de aprobación definitiva.
Cuarto. Comunicar o presente acordo aos servizos municipais afectados para o seu coñecemento e efectos oportunos».
Faise constar no presente anuncio que no 5 de maio de 2016 remitiuse á Consellería de Medio Ambiente, Territorio e Infraestruturas copia autentificada de dous exemplares do instrumento aprobado definitivamente con todos os planos e documentos que o integran sobre os cales recae a presente aprobación definitiva, debidamente diligenciados.
O Plan especial ten natureza de disposición de carácter xeral, polo que contra este acordo poderá interporse recurso contencioso-administrativo, no prazo de dous meses a partir do día seguinte ao da súa publicación, de acordo co artigo 46.1 da Lei reguladora da xurisdición contencioso-administrativo, ante a Sala do Contencioso-Administrativo do Tribunal Superior de Xustiza de Galicia, sen prexuízo do exercicio das accións legais que se consideren convenientes.
Betanzos, 5 de maio de 2016
José Ramón García Vázquez
Alcalde presidente
