Eu, Marina Pilar García de Evan, letrada da Administración de Xustiza do Xulgado do Social número 2 de Santiago de Compostela, fago saber que no procedemento de execución de títulos xudiciais 20/2016 deste xulgado do social, seguidos por instancia de Luis Vidal Romero contra a empresa Pollos Albariza, S.L., sobre despedimento, se ditou a seguinte resolución, cuxa parte dispositiva se achega:
Decreto:
Letrada da Administración de xustiza, Marina Pilar García de Evan.
En Santiago de Compostela, vinte e seis de maio de dous mil dezaseis.
Antecedentes de feito:
Primeiro. Nesta oficina xudicial séguese procedemento de execución de títulos xudiciais 20/2016 por instancia de Luis Vidal Romero fronte a Pollos Albariza, S.L., despachándose execución por un importe de 36.704,62 euros de principal, máis outros 3.670,46 euros orzamentados para xuros e custas.
Segundo. Tamén nesta oficina xudicial se despachou execución fronte a Pollos Albariza, S.L. no procedemento ETX 228/2015 (por importe de 42.845,64 euros en concepto de principal, máis 4.284,56 euros que se fixan provisionalmente en concepto de xuros e custas).
Fundamentos de dereito:
Único. De conformidade co artigo 37.1 da LPL, cando as accións exercidas tendan a obter a entrega dunha cantidade de diñeiro e existan indicios de que os bens do debedor ou debedores puidesen ser insuficientes para satisfacer a totalidade dos créditos que se executan, deberá acordarse a acumulación de execucións, de oficio por instancia de parte, de seguirse ante un mesmo órgano xudicial.
Vistos os preceptos legais citados e demais de xeral e pertinente aplicación,
Parte dispositiva:
Acordo: acumular a presente demanda de execución á execución seguida neste oficina xudicial co número ETX 228/2015.
Notifíqueselles ás partes, facéndolles saber que en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados, e se é o caso, os profesionais designados sinalarán un domicilio e datos completos para a práctica de actos de comunicación. O domicilio e os datos de localización, facilitados con tal fin, producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.
Modo de impugnación: mediante recurso de reposición a interpoñer perante quen dita esta resolución, no prazo de tres días hábiles seguintes ao da súa notificación con expresión da infracción que a xuízo do recorrente contén esta, sen que a interposición do recurso teña efectos suspensivos con respecto á resolución recorrida.
E para que sirva de notificación en legal forma a Pollos Albariza, S.L., en ignorado paradoiro, expido este edicto para a súa inserción en DOG.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización.
Santiago de Compostela, 27 de maio de 2016
A letrada da Administración de xustiza