María Susana Gamonal Lombardero, secretaria xudicial do Xulgado de Primeira Instancia e Instrución número 2 de Betanzos, polo presente edicto anuncio:
No presente procedemento JVB 207/15 seguido por instancia de Alto Móvil, S.L. fronte a Rutas Coruña, S.L. ditouse sentenza cuxa resolución é do teor literal seguinte:
«Resolución que debo estimar e estimo a demanda formulada polo procurador Sr. García Brandariz, en nome e representación de Alto Móvil, S.L. contra Rutas Coruña, S.L, e condeno a dita demandada a aboar á demandante a cantidade de catro mil quiñentos setenta e nove euros (4.579 euros) en concepto de cantidade debida, á cal lle será de aplicación o xuro legal desde a data da presentación da demanda e os do artigo 576 da LAC desde a data da presente resolución. Con imposición de custas á dita demandada.
Modo de impugnación: recurso de apelación, que se interpoñerá ante o tribunal que ditase a resolución que se impugne dentro do prazo de vinte días contados desde o día seguinte da notificación daquela.
Este recurso carecerá de efectos suspensivos, sen que en ningún caso proceda actuar en sentido contrario ao resolto (artigo 456.2 LAC).
Conforme á disposición adicional décimo quinta da LOPX, para a admisión do recurso deberase acreditar ter constituído, na conta de depósitos e consignacións deste órgano, un depósito de 50 euros, salvo que o recorrente sexa beneficiario de xustiza gratuíta, o Ministerio fiscal, o Estado, comunidade autónoma, entidade local ou organismo autónomo dependente.
O depósito deberá constituílo ingresando a citada cantidade no Santander na conta deste expediente 1514 indicando, no campo “concepto” a indicación “Recurso” seguida do código “02 Civil-Apelación”. Se o ingreso se fai mediante transferencia bancaria deberá incluír, tras a conta referida, separados por un espazo a indicación “recurso” seguida do código “02 Civil-Apelación”.
En caso de que deban realizar outros pagamentos na mesma conta, deberase verificar un ingreso por cada concepto, incluso se obedecen a outros recursos da mesma ou distinta clase indicando, neste caso, no campo observacións a data da resolución impugnada co formato dd/mm/aaaa.
Así, por esta miña sentenza, pronúncioo, mándoo e asínoo».
E, encontrándose este demandado, Rutas Coruña, S.L., en paradoiro descoñecido, expídese o presente edicto co fin de que sirva de notificación en forma.
Betanzos, 11 de febreiro de 2016
A secretaria xudicial
