M. Socorro Bazarra Varela, letrada da Administración de xustiza da Sala Segunda do Social do Tribunal Superior de Xustiza de Galicia, fai saber que no procedemento de recurso de suplicación 4216/2015 desta sección, seguido por instancia da empresa Carlos Romero González contra Instituto Social da Mariña, Tesouraría Xeral da Seguridade Social, Guillermo Martínez Domínguez, General Fisheries, S.A., Sercopesca, S.L., empresa José Antonio Constenla Acasuso, Actipesca, S.A. sobre xubilación, se ditou resolución cuxa parte dispositiva é do seguinte teor literal:

«Que debemos declarar e declaramos a nulidade das actuacións nos autos núm. 306/1020 do Xulgado do Social número 3 da Coruña, seguidos por instancia de Guillermo Martinez Domínguez contra Instituto Social da Mariña, Tesouraría Xeral da Seguridade Social, empresa Carlos Romero González, General Fisheries, S.A., Sercopesca, S.L., empresa José Antonio Constenla Acasuso, Actipesca, S.A. e, con reposición oportuna das actuacións, devolvemos os autos ao xulgado de instancia co fin de que, con liberdade de criterio e plena xurisdición, cite e celebre novo xuízo, suplindo as deficiencias apuntadas na fundamentación xurídica da presente resolución.

Incorpórese o orixinal desta sentenza, pola súa orde, ao libro de sentenzas desta Sala do Social do Tribunal Superior de Xustiza de Galicia.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37, seguida de catro díxitos correspondentes ao nº do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así, por esta nosa sentenza, pronunciámolo, mandámolo e asinámolo».

E para que sirva de notificación en legal forma a General Fisheries, S.A., Sercopesca, S.L. e Actipesca, S.A., expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 12 de maio de 2016

A letrada da Administración de xustiza