Eu, María Isabel Freire Corzo, letrada da Administración de xustiza do Social do Tribunal Superior de Xustiza de Galicia, fago saber que no procedemento de recurso de suplicación 700/2016 interposto polo Fogasa contra Jesús Manuel Reboredo Santos, Caslar Mobiliario, S.L., Miguel Ángel Penas Casal, Noelia Lareo García e Caspen 2008, S.L., sobre despedimento disciplinario, ditouse a seguinte resolución:

«Desestimando o recurso de suplicación articulado polo Fondo de Garantía Salarial contra a sentenza do Xulgado do Social número 3 da Coruña, do 10 de setembro de 2015, en autos nº 1298/2014, instados por Jesús Manuel Reboredo Santos fronte á mercantil Caslar Mobiliario, S.L., Noelia Lareo García, a empresa Caspen 2008, S.L. e Miguel Ángel Penas Casal, sobre extinción do contrato por vontade do traballador en aplicación do artigo 50 do Estatuto dos traballadores, despedimento e cantidade, confirmamos a resolución de instancia.

Notifíquese esta resolución ás partes e á Fiscalía do Tribunal Superior de Xustiza de Galicia.

Modo de impugnación: faise saber ás partes que contra esta sentenza cabe interpoñer recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non ten a condición de traballador ou beneficiario do réxime público da Seguridade Social deberá efectuar:

– O depósito de 600 euros na conta de 16 díxitos desta sala, aberta no Banco de Santander (Banesto) co número 1552 0000 37, seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 37, ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo observacións ou concepto da transferencia os 16 díxitos que corresponden ao procedemento (1552 0000 80 ou 37 **** ++).

Unha vez firme, expídase certificación para constancia na peza que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia».

E para que sirva de notificación en legal forma Caslar Mobiliario, S.L., Miguel Ángel Penas Casal, Noelia Lareo García e Caspen 2008, S.L., actualmente todos eles en ignorado paradoiro, expido o presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 16 de marzo de 2016

Letrada da Administración de xustiza