Por Acordo do Pleno, do 28 de abril de 2016, aprobouse definitivamente o estudo de detalle da construción dun muro de cerramento de parcela presentado por Julia Vázquez Fernández, con DNI 76746251N, elaborado polo arquitecto José Antonio Piñeiro Carrera, que ten por obxecto o reaxuste das aliñacións fixadas no POMR do Concello de Ramirás na zona de núcleo rural do lugar de Paizás, na parcela 1702, polígono 503 e referencia catastral 32069A503017020000DR. O que se publica para os efectos dos artigos 82 e 88 da Lei 2/2016, do 10 de febreiro, do solo de Galicia.

Primeiro. Desestimar as alegacións presentadas por Rosa María Montero Martínez, con DNI 76747083Q e con domicilio para efecto de notificacións en Paizás, nº 18, 32811 Ramirás, polas motivacións expostas no informe técnico do 20 de abril de 2016.

Segundo. Aprobar definitivamente o estudo de detalle da construción dun muro de cerramento de parcela presentado por Julia Vázquez Fernández, con DNI 76746251N, elaborado polo arquitecto José Antonio Piñeiro Carrera, que ten por obxecto o reaxuste das aliñacións fixadas no POMR do Concello de Ramirás na zona de núcleo rural do lugar de Paizás, na parcela 1702, polígono 503 e referencia catastral 32069A503017020000DR.

Terceiro. Publicar o acordo de aprobación definitiva no Diario Oficial de Galicia e o texto dos documentos que o integran, así como o índice de planos do estudo de detalle, no Boletín Oficial da Provincia.

Cuarto. Notificarlles o acordo aos propietarios e aos demais interesados directamente afectados polo estudo de detalle.

Quinto. Comunicar á consellería competente en materia de urbanismo e ordenación do territorio a aprobación do estudo de detalle, á vez que se lle dá traslado dunha copia autenticada de dous exemplares con todos os planos e documentos que o integran e dun exemplar en soporte dixital, debidamente dilixenciado, co fin de ser inscrito no Rexistro de Planeamento Urbanístico de Galicia.

Contra este acordo, que é definitivo en vía administrativa, poderase interpor recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous (2) meses a contar desde o día seguinte ao da publicación deste anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa.

Ramirás, 9 de maio de 2016

Juan Carlos Rodríguez Matías
Alcalde