Con data do 15 de abril de 2016, a Xefa territorial de Lugo da Consellería de Sanidade ditou resolución do expediente sancionador 2015152AL-LU, incoado á Cervecería Dominó, C.B., como titular do establecemento Cervecería Dominó.
Intentada a notificación da resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e ao non ser posible a súa práctica, por medio da presente cédula e ao abeiro do disposto no número 5 do referido artigo, notifícaselle á Cervecería Dominó, C.B. o contido da citada resolución que figura como anexo, para que poida ter coñecemento del.
Así mesmo, fáiselle saber o dereito que a asiste para interpoñer recurso de alzada ante o conselleiro de Sanidade no prazo dun mes, contado desde o día seguinte ao da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consultar o expediente, depositado nas dependencias desta xefatura, sita na rúa Montevideo, 9, Lugo, e a obter, de ser o caso, copia del, segundo o previsto na letra a) do artigo 35 da Lei 30/1992, do 26 de novembro.
En caso de conformidade co contido desta resolución, o aboamento voluntario da sanción poderá facerse no seguinte prazo: 1) as notificadas entre os días 1 e 15 de cada mes, desde a data da notificación ata o día 20 do mes posterior ou, se este non for hábil, ata o inmediato día hábil seguinte, e 2) as notificadas entre os días 16 e último de cada mes, desde a data da notificación ata o día 5 do segundo mes posterior ou, se este non for hábil, ata o inmediato día hábil seguinte; todo isto mediante o ingreso que poderá efectuar en calquera oficina de Abanca; no BBVA, transacción 1316, NIF S1511001H, ou no Banco Santander, empregando os impresos normalizados que se lle facilitarán nas dependencias desta xefatura territorial. O pagamento voluntario porá fin ao expediente; de non facelo así, procederase ao seu cobramento pola vía de constrinximento.
Esta cédula expídese para que conste e lle sirva de notificación á interesada, en cumprimento do disposto no artigo 59.5 da xa citada Lei 30/1992, do 26 de novembro. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
Lugo, 26 de abril de 2016
A xefa territorial de Lugo
P.S. (Decreto 33/2014, do 18 de marzo)
Beatriz Roca Castro
Xefa do Servizo de Xestión de Lugo
ANEXO
Nº de expediente: 2015152AL-LU.
Interesada: Cervecería Dominó, C.B., como titular do establecemento Cervecería Dominó.
CIF: E27467562.
Último enderezo coñecido: praza da Milagrosa, 14, 27003 Lugo.
Feitos imputados: infraccións da lexislación aplicable en materia sanitaria.
Preceptos infrinxidos:
– Artigo 3, punto 10 do capítulo I, punto 1.a) do capítulo V, punto 1 do capítulo VIII, punto 2 do capítulo IX, punto 1 do capítulo XII do anexo II do Regulamento (CE) nº 852/2004, do Parlamento Europeo e do Consello, do 29 de abril, relativo á hixiene dos produtos alimenticios (DOUE núm. 139, do 30 de abril).
– Artigos 3.3, 3.6, 6.2 e 7.3 do Real decreto 3484/2000, do 29 de decembro, polo que se establecen as normas de hixiene para a elaboración, distribución e comercio de comidas preparadas (BOE núm. 11, do 12 de xaneiro de 2001).
Tipificación: dúas infraccións leves, tipificadas nos artigos 51.1, parágrafo 10º, e 51.1 parágrafo 11º, da Lei 17/2011, do 5 de xullo, de seguridade alimentaria e nutrición (BOE núm. 160, do 6 de xullo).
Sanción imposta: seiscentos euros (600 €), de acordo co seguinte desglose:
– Catrocentos euros (400 €) pola infracción prevista no artigo 51.1, parágrafo 10º, da Lei 17/2011.
– Douscentos euros (200 €) pola infracción prevista no artigo 51.1, parágrafo 11º, da Lei 17/2011.