Para os efectos previstos na Lei 24/2013, do 26 de decembro (BOE núm. 310), e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Gallega de Mallas, S.L.
Domicilio social: avenida da Deputación, 15141 Arteixo.
Título: proxecto modificado de acometida, LMT subterránea, centro de secionamento e medida e centro de transformación para establecemento Gallega de Mallas, S.L. en Bértoa.
Situación: polígono industrial de Bértoa, parcela E2-Carballo.
Características técnicas: LMTS de 34,5+37,5 metros, de 15 kV de tensión, con condutor tipo RHZ1-2OL 240 Al. Centro de seccionamento e medida en edificio prefabricado constituído pola seguintes celas: cela de entrada de liña, cela de saída de liña, cela de protección con interruptor automático e cela de medida.
LMTS de 192 metros, de 15 kV de tensión, con condutor tipo RHZ1-OL 12/20 kV, de sección 1×95 Al. Centro de transformación composto por cela de entrada de liña, cela de protección, 2 transformadores de 2.000 kVA, relación de transformación 15 kV/420 V, grupo de conexión Dyn11.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións neste xefatura territorial, situada no Edificio Administrativo Monelos; rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte ao da publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 2 de maio de 2016
Isidoro Martínez Arca
Xefe territorial da Coruña