Mediante Resolución da Alcaldía 679/2016, do 18 de marzo de 2016, aprobouse inicialmente o expediente 38/2014.PSEC de Plan de sectorización do SAUR 4, en Pastoriza, segundo proxecto técnico asinado polo arquitecto Juan A. Roade Rodríguez con data de xaneiro de 2016.

Así mesmo, acordouse a suspensión do outorgamento de licenzas de parcelación de terreos, edificación e demolición para a área de solo apto para urbanizar delimitada como SAUR-4 no ámbito do Plan de sectorización que se está a aprobar, de conformidade co establecido no artigo 77.2 da Lei 9/2002, do 30 de decembro, de ordenación urbanística e protección do medio rural de Galicia (LOUG), e que se concreta nos predios con referencia catastral detallados no número 2.2.3 da memoria do plan.

En virtude do disposto polo artigo 86.1.a) LOUG, o expediente de referencia queda sometido a información pública polo prazo de dous meses, contados a partir do día seguinte a aquel en que se produza a presente publicación no Diario Oficial de Galicia.

Durante o dito prazo as persoas interesadas poderán examinar o seu contido (no Departamento de Urbanismo do Concello de Arteixo de luns a venres, das 9.00 ás 14.00 horas, e nas dependencias do Rexistro Xeral os sábados, das 9.30 ás 13.30 horas), e presentar alegacións se o xulgan oportuno.

Arteixo, 29 de marzo de 2016

O alcalde
P.D. (Decreto 1336, do 6.7.2015)
Luis Alberto Castro Calvete
Concelleiro do Departamento de Urbanismo e Medio Ambiente