Por Resolución da Alcaldía do 3 de maio convócase proceso de selección para a contratación urxente con carácter temporal, dun técnico en turismo para realizar os traballos de encargado/a da Oficina Municipal de Información Turística.

O período de contratación é de catro (4) meses.

Os aspirantes deberán posuír a titulación de diplomado/grao en turismo.

O prazo de presentación de solicitudes e documentación é de cinco días hábiles contados desde o seguinte ao da publicación deste anuncio no DOG.

As bases estarán á disposición dos interesados nas oficinas municipais, entre as 8.30 e as 15.00 horas, ata o último día en que remata o prazo de presentación de instancias.

Arzúa, 4 de maio 2016

José Luis García López
Alcalde