Eu, Rafael González Alió, secretario xudicial do Xulgado do Social número 1 de Lugo, fago saber que no procedemento 531/2014 deste xulgado do social, seguido a instancia de María Lucía Loyo Portero contra Mutua Fraternidad Muprespa, INSS, TXSS, Repuestos Bourio, S.L. e Globalmotera, S.L. sobre subsidio de incapacidade temporal, se ditou sentenza cuxa decisión é a seguinte:
«Estimo parcialmente a demanda presentada por María Lucía Loyo Portero, representada polo letrado Sr. Vázquez Díaz, contra o Instituto Nacional da Seguridade Social e a Tesouraría Xeral da Seguridade Social, ambos os dous representados polo letrado da Administración da Seguridade Social Sr. Villalobos Maldonado; Fraternidad-Muprespa, Mutua Colaboradora coa Seguridade Social nº 275, representada polo letrado Sr. Paniagua Álvarez; e Repuestos Bourio, S.L. e Globalmotera, S.L., ningunha das cales compareceu malia constar a súa citación en legal forma, e, en consecuencia:
– Condeno a Repuestos Bourio, S.L. e Globalmotera, S.L. a aboar solidariamente á demandante a cantidade de 154,44 euros, en concepto de subsidio de incapacidade temporal percibido entre o cuarto e o décimo quinto día da baixa iniciada o 10 de outubro de 2013.
– Condeno, como responsables directas, a Repuestos Bourio, S.L. e Globalmotera, S.L. a aboar solidariamente á demandante a cantidade de 824,42 euros, en concepto de subsidio de incapacidade temporal percibido desde o décimo sexto día da baixa iniciada o 10 de outubro de 2013 e ata o 11 de decembro de 2013.
– Condeno, como responsable subsidiaria e para o caso de insolvencia de Repuestos Bourio, S.L. e Globalmotera, S.L., a Fraternidad-Muprespa, Mutua Colaboradora coa Seguridade Social nº 275 a aboar á demandante a cantidade de 824,42 euros, en concepto de subsidio de incapacidade temporal percibido desde o décimo sexto día da baixa iniciada o 10 de outubro de 2013 e ata o 11 de decembro de 2013.
– Obrigo a Fraternidad-Muprespa, Mutua Colaboradora coa Seguridade Social nº 275 a anticipar o importe de 824,42 euros, sen prexuízo do seu dereito de repetición contra Repuestos Bourio, S.L. e Globalmotera, S.L.
– Condeno ao Instituto Nacional da Seguridade Social, como responsable subsidiaria e para o caso de insolvencia de Fraternidad-Muprespa, Mutua Colaboradora coa Seguridade Social nº 275, a aboar á demandante a cantidade de 824,42 euros, en concepto de subsidio de incapacidade temporal percibido desde o décimo sexto día da baixa iniciada o 10 de outubro de 2013 e ata o 11 de decembro de 2013.
Notifíquese esta resolución ás partes, facéndolles saber que esta non é firme e que contra ela cabe interpoñer, ante este xulgado, recurso de suplicación a resolver pola Sala do Social do Tribunal Superior de Xustiza de Galicia».
E para que sirva de notificación en forma a Repuestos Bourio, S.L. e Globalmotera, S.L., en ignorado paradoiro, expido e asino o presente edicto.
Lugo, 9 de marzo de 2016
O letrado da Administración de xustiza