A Lei orgánica 8/2013, do 9 de decembro, para a mellora da calidade educativa, modifica os artigos 133, 134 e 135 da Lei orgánica 2/2006, do 3 de maio, de educación, relativos á selección da Dirección dos centros docentes públicos que imparten as ensinanzas reguladas nesta lei, aos requisitos para ser candidatos a director/a e ao procedemento de selección. No artigo 135.1 establécese que para a selección das direccións nos centros públicos, as administracións educativas convocarán concurso de méritos e establecerán os criterios obxectivos e o procedemento de selección, así como os criterios de valoración dos méritos do candidato e do proxecto presentado.

Procede convocar concurso de méritos para seleccionar as direccións dos centros que rematan o seu mandato no actual curso académico 2015/16 e non solicitaron a correspondente prórroga e aquelas direccións que rematan o seu mandato de carácter extraordinario ou accidental.

A convocatoria axústase ao previsto na Lei orgánica 8/2013, do 9 de decembro, para a mellora da calidade educativa, e aos preceptos que se manteñen vixentes do Decreto 29/2007, do 8 de marzo, polo que se regula a selección, nomeamento e cesamento dos directores e directoras dos centros docentes públicos que imparten as ensinanzas reguladas na Lei orgánica 2/2006, do 3 de maio, de educación.

Na súa virtude, a Consellería de Cultura, Educación e Ordenación Universitaria

DISPÓN:

Primeiro. Convocatoria

Convócase concurso de méritos para seleccionar e nomear as direccións dos centros docentes públicos onde se imparten ensinanzas reguladas na Lei orgánica 2/2006, do 3 de maio, de educación, que se relacionan no anexo I a esta orde.

A selección realizarase de conformidade cos principios de igualdade, publicidade, mérito e capacidade.

Segundo. Requisitos para ser candidata ou candidato á Dirección

1. Para participar neste concurso de méritos para ser nomeada directora ou director dun centro docente público dependente da Consellería de Cultura, Educación e Ordenación Universitaria deberán reunirse os seguintes requisitos:

a) Ser funcionaria ou funcionario de carreira dun corpo docente a que se refire a Lei orgánica 2/2006, do 3 de maio, de educación.

b) Ter unha antigüidade de polo menos cinco anos como funcionaria ou funcionario na función pública docente.

c) Ter impartido docencia directa como funcionaria ou funcionario, durante un período de polo menos cinco anos, nalgunha das ensinanzas das que ofrece o centro a que se opta. Para estes efectos, enténdese que as funcionarias e funcionarios responsables da orientación educativa e profesional imparten docencia directa.

d) Estar prestando servizos nun centro educativo dependente da Consellería de Cultura, Educación e Ordenación Universitaria.

No suposto de estar nunha situación administrativa distinta da de activo, o último centro no cal se prestou servizos debe ser dependente da Consellería de Cultura, Educación e Ordenación Universitaria e deberá reunir os requisitos para reingresar con efectividade do 1 de xullo de 2016.

2. Para participar no concurso de méritos para ser nomeada directora ou director dun centro público específico de educación infantil, incompleto de educación primaria, nos de educación secundaria con menos de oito unidades, en que se imparten ensinanzas artísticas profesionais, deportivas, de idiomas ou nos centros específicos de adultos con menos de oito profesores, non se exixirán os requisitos establecidos nas letras b) e c) do punto 1 desta epígrafe.

Terceiro. Solicitudes e documentación

1. A solicitude de participación no concurso de méritos dirixirase á xefatura territorial da Consellería de Cultura, Educación e Ordenación Universitaria da provincia correspondente e poderase imprimir e descargar unha vez formalizados os datos de participación no concurso a través do enderezo web www.edu.xunta.es/cxt

Lémbrase que para acceder a este servizo web é preciso ter conta de correo electrónico no dominio edu.xunta.es polo que, quen non a teña, deberá solicitala a través da páxina web https://www.edu.xunta.es/contausuario

Xunto coa solicitude achegarase ademais:

a) Documentación acreditativa dos méritos académicos e profesionais alegados en relación co baremo que se publica como anexo II a esta orde, agás aqueles que xa consten na base de datos de persoal.

b) Proxecto de dirección que inclúa, polo menos, os obxectivos, as liñas de actuación e a súa avaliación. No proxecto de dirección deberá facerse referencia, entre os seus obxectivos xerais e as liñas prioritarias de actuación, ao previsto nos artigos 9 e 10 da Lei 7/2004, do 16 de xullo, galega para a igualdade de mulleres e homes.

O proxecto de dirección non excederá de 30 folios DIN A4, nun tipo de letra: Times New Roman, espazo entre liñas: 1,5 e tamaño de letra 12 puntos.

c) Calquera outra documentación que a candidata ou candidato considere idónea en interese da súa solicitude.

2. Efectuarase unha solicitude por cada centro que se demande ata un máximo de dúas.

3. Así mesmo, os participantes no concurso de méritos remitirán ao centro ou centros docentes que soliciten unha copia do seu proxecto de dirección. Este proxecto estará á disposición dos membros do Claustro de Profesores e do Consello Escolar na Secretaría do centro durante un período mínimo de 10 días lectivos, no horario que estableza a Dirección do centro.

No taboleiro de anuncios da sala de profesores exporase unha relación das candidaturas presentadas, así como o prazo e o horario en que poderán verse os proxectos de dirección na Secretaría.

4. A solicitude, xunto coa documentación a que se alude no punto anterior, poderase presentar en calquera das dependencias a que alude o artigo 38 da Lei de réxime xurídico das administracións públicas e do procedemento administrativo común.

No caso de que se opte por presentar a súa solicitude ante unha oficina de Correos, farase en sobre aberto, para que a instancia sexa datada e selada polo funcionario de Correos antes de ser certificada.

Cuarto. Prazo de solicitude

O prazo de presentación de solicitudes e documentación será de vinte días naturais contados a partir do día seguinte ao da publicación desta orde no Diario Oficial de Galicia.

Quinto. Comisión de Selección

1. En cada centro educativo constituirase unha comisión de selección, nomeada polo xefe ou xefa territorial da Consellería de Cultura, Educación e Ordenación Universitaria, que terá como sede a localidade e local que decida a súa presidencia e que terá a seguinte composición:

a) Unha inspectora ou inspector de Educación, designado polo xefe territorial da Consellería de Cultura, Educación e Ordenación Universitaria, que exercerá como presidenta ou presidente.

b) Tres inspectores ou directores de centros educativos públicos, designados polo xefe ou xefa territorial da Consellería de Cultura, Educación e Ordenación Universitaria.

c) Dúas profesoras ou profesores do centro elixidos polo Claustro de Profesores, en reunión extraordinaria para estes efectos. No caso de producirse empate no número de votos, repetirase unha vez a votación, e de persistir o empate, dirimirase por sorteo.

d) Un membro do Consello Escolar, elixido por e entre os membros do Consello Escolar. No caso de producirse empate no número de votos, repetirase unha vez a votación, e de persistir o empate, dirimirase por sorteo.

2. Actuará como secretaria ou secretario da comisión o representante do Claustro de Profesores con menor antigüidade como funcionaria ou funcionario de carreira e, en caso de empate, o máis novo.

3. A representación do Consello Escolar do centro non poderá recaer no alumnado que estea matriculado nun curso inferior a terceiro de educación secundaria obrigatoria.

4. En ningún caso, as candidatas ou candidatos á Dirección poderán formar parte da Comisión de Selección.

5. Designaranse suplentes dos membros da Comisión de Selección en cada un dos ámbitos de representación que actuarán en substitución dos titulares cando exista causa xustificada que impida a actuación destes.

6. Aos membros da Comisión de Selección seranlles de aplicación as normas sobre abstención e recusación previstas nos artigos 28 e 29 da Lei 30/1992, do 26 de novembro, de réxime xurídico das administracións públicas e do procedemento administrativo común.

7. A Dirección do centro efectuará a proposta de nomeamento dos representantes do Claustro e do Consello Escolar na Comisión de Selección á Xefatura Territorial da Consellería de Cultura, Educación e Ordenación Universitaria, no prazo dos cinco días seguintes ao remate do prazo de solicitudes establecido na epígrafe cuarta desta orde, sen que se teñan en consideración posibles ampliacións deste.

8. A non elección dos representantes do Claustro de Profesores ou do Consello Escolar non impedirá a constitución e o normal funcionamento da Comisión de Selección.

9. A composición da Comisión de Selección publicarase no taboleiro de anuncios do centro.

Sexto. Composición da Comisión de Selección en determinados supostos

Cando o número de profesorado do centro sexa inferior a catro ou o número de candidaturas á Dirección non lle permita ao Claustro elixir dous membros de entre o profesorado, a composición da Comisión de Selección será a seguinte:

– Unha inspectora ou inspector de Educación, designado polo xefe ou xefa territorial da Consellería de Cultura, Educación e Ordenación Universitaria, que exercerá como presidenta ou presidente.

– Dous inspectores ou directores de centros educativos públicos, designados polo/a xefe/a territorial da Consellería de Cultura, Educación e Ordenación Universitaria.

– Un profesor ou profesora do centro elixida polo Claustro de Profesorado.

– Un membro do Consello Escolar, elixido por e entre os seus compoñentes.

Sétimo. Funcións da Comisión de Selección e procedemento de funcionamento

1. Recibidas as solicitudes dirixidas á Xefatura Territorial, a Comisión de Selección comprobará que o persoal aspirante reúne os requisitos establecidos nesta orde e notificaralle a admisión ou o rexeitamento da súa petición.

2. Contra o rexeitamento da solicitude os aspirantes poderán presentar reclamación ante a propia comisión seleccionadora, no prazo de cinco días naturais contados desde o día seguinte ao da notificación do rexeitamento da solicitude.

3. A Comisión de Selección valorará os méritos académicos e profesionais de cada aspirante, de acordo co baremo que se publica como anexo II a esta orde.

4. A Comisión de Selección valorará, así mesmo, os proxectos de dirección, de acordo co establecido no baremo que se publica no anexo II desta orde, e poderá ter unha entrevista co profesorado que presentou candidatura se considera necesario clarificar algúns aspectos do proxecto de dirección. Cando a Comisión de Selección decida a realización desta entrevista, deberá efectuala a todos e cada un dos candidatos e candidatas.

5. A cualificación do proxecto de dirección será a media aritmética das cualificacións de todos os membros presentes da comisión. Cando entre as puntuacións outorgadas polos membros da comisión exista unha diferenza de tres ou máis enteiros, serán automaticamente excluídas as cualificacións máxima e mínima e calcularase a puntuación media entre as cualificacións restantes. No caso de empate entre cualificacións máximas ou mínimas, unicamente será excluída unha delas.

6. Contra as puntuacións outorgadas pola Comisión de Selección poderá presentarse reclamación ante a propia comisión no prazo de dez días hábiles computados a partir do día seguinte ao da súa publicación no taboleiro de anuncios do centro educativo.

Oitavo. Selección das candidaturas

1. Unha vez transcorrido o prazo de reclamacións e, se é o caso, resoltas estas, a Comisión de Selección establecerá a puntuación final obtida polos aspirantes e seleccionará a candidata ou candidato que proporá como directora ou director do centro, para o seu nomeamento por parte da Xefatura Territorial da Consellería de Cultura, Educación e Ordenación Universitaria.

2. Para poder ser seleccionado e ser nomeado para a Dirección é necesario obter polo menos seis puntos no proxecto de dirección.

3. No caso de se produciren empates na puntuación total dos aspirantes, estes dirimiranse atendendo sucesivamente aos seguintes criterios:

a) Maior puntuación no proxecto de dirección.

b) Maior puntuación na epígrafe 2 do baremo.

c) Maior puntuación na epígrafe 1 do baremo.

4. Se unha candidata ou candidato resultase seleccionado/a para dous centros, resultará nomeado/a no centro en que tivese destino definitivo. De non ter destino definitivo en ningún dos centros, será nomeado/a no centro polo que opte e procederase a seleccionar e nomear no centro non elixido outra ou outro aspirante que reúna os requisitos con maior puntuación.

Noveno. Recursos

Contra a decisión da Comisión de Selección, en que resolve definitivamente o concurso de méritos de selección e nomeamento da Dirección do centro, cabe recurso de alzada, no prazo dun mes, ante a Xefatura Territorial da Consellería de Cultura, Educación e Ordenación Universitaria.

Décimo. Nomeamento

1. A Xefatura Territorial da Consellería de Cultura, Educación e Ordenación Universitaria procederá a nomear directora a persoa proposta pola Comisión Avaliadora.

2. Os nomeamentos das direccións realizaranse con efectividade do 1 de xullo de 2016 e por unha duración de catro anos, prorrogables de acordo co previsto no artigo 136 da Lei orgánica 2/2006, do 3 de maio, de educación, segundo a redacción dada pola Lei 8/2013, do 9 de decembro, para a mellora da calidade educativa.

3. Cando o nomeamento recaia nunha funcionaria ou funcionario que non teña destino definitivo no centro, a Dirección desempeñarase en réxime de comisión de servizos.

Décimo primeiro. Nomeamento con carácter extraordinario

Nos supostos de ausencia de candidatos, cando a comisión correspondente non seleccione ningún candidato ou nos centros de nova creación, a Dirección será nomeada pola Xefatura Territorial da Consellería de Cultura, Educación e Ordenación Universitaria, oídos o Claustro de Profesores e o Consello Escolar, por un período de dous anos, entre o profesorado que reúna os requisitos establecidos na epígrafe segunda desta orde.

Santiago de Compostela, 16 de marzo de 2016

Román Rodríguez González
Conselleiro de Cultura, Educación e Ordenación Universitaria

ANEXO I
Centros con praza vacante de Dirección para o curso 2016/17

Código	Centro	Concello	Provincia
15026637	CEIP de Barouta	Ames	Coruña, A
15023314	IES de Sabón	Arteixo	Coruña, A
15023302	IES Manuel Murguía	Arteixo	Coruña, A
15032716	CEIP de Arteixo	Arteixo	Coruña, A
15020933	EEI de Barrionovo	Arteixo	Coruña, A
15000612	CEIP de Arzúa	Arzúa	Coruña, A
15001471	CEIP Praia Xardín	Boiro	Coruña, A
15032212	CRA Os Remuíños	Cabana de Bergantiños	Coruña, A
15027873	IES Afonso X O Sabio	Cambre	Coruña, A
15023065	CEIP Gonzalo Torrente Ballester	Cambre	Coruña, A
15020969	CEIP Mosteiro de Caaveiro	Capela, A	Coruña, A
15027307	IES Isidro Parga Pondal	Carballo	Coruña, A
15002591	IES Monte Neme	Carballo	Coruña, A
15027885	IES Lamas Castedo	Carnota	Coruña, A
15003789	CEIP Praia de Quenxe	Corcubión	Coruña, A
15005038	CEIP de Prácticas	Coruña, A	Coruña, A
15023363	CEIP Plurilingüe Manuel Murguía	Coruña, A	Coruña, A
15032303	CMUS Profesional da Coruña	Coruña, A	Coruña, A
15026492	CMUS Superior da Coruña	Coruña, A	Coruña, A
15005257	IES Ramón Menéndez Pidal	Coruña, A	Coruña, A
15004988	CEIP Eusebio da Guarda	Coruña, A	Coruña, A
15005269	IES Urbano Lugrís	Coruña, A	Coruña, A
15027770	IES A Sardiñeira	Coruña, A	Coruña, A
15005211	IES Salvador de Madariaga	Coruña, A	Coruña, A
15027903	IES Eduardo Blanco Amor	Culleredo	Coruña, A
15023399	CPI Plurilingüe Eusebio Lorenzo Baleirón	Dodro	Coruña, A
15006742	IES Concepción Arenal	Ferrol	Coruña, A
15025566	IES Ferrol Vello	Ferrol	Coruña, A
15025645	IES Ricardo Carballo Calero	Ferrol	Coruña, A
15006791	IES Saturnino Montojo	Ferrol	Coruña, A
15006730	IES Sofía Casanova	Ferrol	Coruña, A
15024938	CEIP de Esteiro	Ferrol	Coruña, A
15006845	CEIP Isaac Peral	Ferrol	Coruña, A
15027654	IES Agra de Leborís	Laracha, A	Coruña, A
15026765	CEIP Milladoiro	Malpica de Bergantiños	Coruña, A
15027940	IES As Insuas	Muros	Coruña, A
15026388	IES Plurilingüe Fontexería	Muros	Coruña, A
15009998	CEIP Ramón de Artaza y Malvárez	Muros	Coruña, A
15025268	IES As Telleiras	Narón	Coruña, A
15010058	CPI do Feal	Narón	Coruña, A
15023740	CEIP A Solaina	Narón	Coruña, A
15023508	CEIP Plurilingüe Virxe do Mar	Narón	Coruña, A
15026111	CRA de Narón	Narón	Coruña, A
15027216	IES Fernando Esquío	Neda	Coruña, A
15010307	CEIP San Isidro	Neda	Coruña, A
15010575	CEIP O Coto	Negreira	Coruña, A
15010812	IES Virxe do Mar	Noia	Coruña, A
15010681	CEIP Plurilingüe Alexandre Rodríguez Cadarso	Noia	Coruña, A
15023089	CEIP Luís Seoane	Oleiros	Coruña, A
15027939	IES Plurilingüe Maruxa Mallo	Ordes	Coruña, A
15027964	IES de Oroso	Oroso	Coruña, A
15032868	CEIP de Oroso	Oroso	Coruña, A
15011567	CEIP de Sigüeiro	Oroso	Coruña, A
15012225	CEIP Emilio Navasqüés	Outes	Coruña, A
15012420	CEIP de Oza dos Ríos	Oza-Cesuras	Coruña, A
15019347	CPI Camiño de Santiago	Pino, O	Coruña, A
15025530	IES da Pobra do Caramiñal	Pobra do Caramiñal, A	Coruña, A
15013230	CEIP As Forcadas	Ponteceso	Coruña, A
15024963	CEIP Plurilingüe de Andrade	Pontedeume	Coruña, A
15025694	IES Moncho Valcarce	Pontes de García Rodríguez, As	Coruña, A
15021767	IES Castro da Uz	Pontes de García Rodríguez, As	Coruña, A
15027691	IES de Porto do Son	Porto do Son	Coruña, A
15025062	CEIP de Portosín	Porto do Son	Coruña, A
15014180	CEIP Alfonso D. Rodríguez Castelao	Rianxo	Coruña, A
15027711	IES Leliadoura	Ribeira	Coruña, A
15014261	CEIP Heroínas de Sálvora	Ribeira	Coruña, A
15014271	CEIP Plurilingüe de Artes	Ribeira	Coruña, A
15014465	CEIP Plurilingüe de Palmeira	Ribeira	Coruña, A
15014738	CPI Plurilingüe dos Dices	Rois	Coruña, A
15026777	CEIP Plurilingüe Pepe de Xan Baña	Santa Comba	Coruña, A
15026157	CRA de Santa Comba	Santa Comba	Coruña, A
15025712	IES Antonio Fraguas Fraguas	Santiago de Compostela	Coruña, A
15025301	IES Arcebispo Xelmírez II	Santiago de Compostela	Coruña, A
15022590	CEIP de Roxos	Santiago de Compostela	Coruña, A
15015688	CEIP Raíña Fabiola	Santiago de Compostela	Coruña, A
15025074	CEIP da Igrexa	Somozas, As	Coruña, A
15026509	CRA de Valdoviño	Valdoviño	Coruña, A
15019086	CEIP Labarta Pose	Zas	Coruña, A
27000010	CEIP Aquilino Iglesia Alvariño	Abadín	Lugo
27015891	IES da Terra Chá. José Trapero Pardo	Castro de Rei	Lugo
27003175	IES Val do Asma	Chantada	Lugo
27006449	CEIP Rosalía de Castro	Lugo	Lugo
27006954	CEIP Álvaro Cunqueiro Mora	Mondoñedo	Lugo
27014860	CEIP A Gándara	Monforte de Lemos	Lugo
27016662	CEIP de Monforte de Lemos	Monforte de Lemos	Lugo
27008513	CEIP Laverde Ruíz	Outeiro de Rei	Lugo
27015967	CPI Uxío Novoneira	Pedrafita do Cebreiro	Lugo
27020690	EOI de Ribadeo	Ribadeo	Lugo
27011287	CEIP Plurilingüe de Riotorto	Riotorto	Lugo
27013314	IES Santiago Basanta Silva	Vilalba	Lugo
27013296	CEIP Manuel Mato Vizoso	Vilalba	Lugo
27013636	IES María Sarmiento	Viveiro	Lugo
27013387	CEIP Antonio Pedrosa Latas	Viveiro	Lugo
32001683	IES Martaguisela	Barco de Valdeorras, O	Ourense
32004398	CEIP Vicente Risco	Cualedro	Ourense
32005408	CEIP Virxe da Pena da Sela	Irixo, O	Ourense
32006929	CPI Terras de Maside	Maside	Ourense
32008793	CEIP Manuel Luis Acuña	Ourense	Ourense
32008811	CEIP Virxe de Covadonga	Ourense	Ourense
32009116	IES 12 de Outubro	Ourense	Ourense
32015207	IES O Couto	Ourense	Ourense
32008951	IES Ramón Otero Pedrayo	Ourense	Ourense
32016042	CEIP de Sandiás	Sandiás	Ourense
32014501	CEIP Rodolfo Núñez Rodríguez	Vilardevós	Ourense
32015141	CEIP San Martiño	Vilariño de Conso	Ourense
32014801	IES Cidade de Antioquía	Xinzo de Limia	Ourense
36000302	CEP de Sabarís	Baiona	Pontevedra
36018963	CEIP de Belesar	Baiona	Pontevedra
36000247	CPI de Cova Terreña	Baiona	Pontevedra
36000375	CEIP da Torre-Cela	Bueu	Pontevedra
36020246	IES Illa de Ons	Bueu	Pontevedra
36015861	CEIP San Clemente de Cesar	Caldas de Reis	Pontevedra
36019396	IES Francisco Asorey	Cambados	Pontevedra
36018501	IES Monte Carrasco	Cangas	Pontevedra
36015950	CEIP Plurilingüe da Espiñeira-Aldán	Cangas	Pontevedra
36014866	CEIP Manuel Villar Paramá	Estrada, A	Pontevedra
36020258	IES nº 1	Estrada, A	Pontevedra
36018987	CRA Antía Cal	Gondomar	Pontevedra
36017703	CEIP Souto-Donas	Gondomar	Pontevedra
36014878	CEIP de Conmeniño	Grove, O	Pontevedra
36019244	IES A Sangriña	Guarda, A	Pontevedra
36020283	IES da Illa de Arousa	Illa de Arousa, A	Pontevedra
36013011	CEIP da Torre-Illa	Illa de Arousa, A	Pontevedra
36004149	CEIP Xoaquín Loriga	Lalín	Pontevedra
36014982	EEI O Grupo	Marín	Pontevedra
36018446	CEIP da Armenteira	Meis	Pontevedra
36004733	CEIP de Reibón	Moaña	Pontevedra
36004927	CPI de Mondariz	Mondariz	Pontevedra
36017648	CEIP Mestre Valverde Mayo	Mos	Pontevedra
36019402	IES Pazo da Mercé	Neves, As	Pontevedra
36016620	CEIP da Cruz	Nigrán	Pontevedra
36020143	IES de Poio	Poio	Pontevedra
36007242	CEIP de Viñas	Poio	Pontevedra
36020313	IES de Ponte Caldelas	Ponte Caldelas	Pontevedra
36016942	CEIP de Santiago de Oliveira	Ponteareas	Pontevedra
36007621	CPI de Pontecesures	Pontecesures	Pontevedra
36006729	IES Valle-Inclán	Pontevedra	Pontevedra
36006109	CEIP de Parada-Campañó	Pontevedra	Pontevedra
36018379	IES A Xunqueira II	Pontevedra	Pontevedra
36006316	CEIP Príncipe Felipe	Pontevedra	Pontevedra
36019529	IES Ribeira do Louro	Porriño, O	Pontevedra
36014881	CEIP Plurilingüe Alexandre Bóveda	Redondela	Pontevedra
36007631	CEIP de Porto Cabeiro	Redondela	Pontevedra
36007813	CPI Julia Becerra Malvar	Ribadumia	Pontevedra
36024173	CRA María Zambrano	Rosal, O	Pontevedra
36024628	IES Pedras Rubias	Salceda de Caselas	Pontevedra
36020337	IES de Salvaterra de Miño	Salvaterra de Miño	Pontevedra
36016966	CEP Carlos Casares	Salvaterra de Miño	Pontevedra
36008866	CEIP Plurilingüe A Florida	Sanxenxo	Pontevedra
36019256	IES de Vilalonga	Sanxenxo	Pontevedra
36015238	CEIP de Sobrada	Tomiño	Pontevedra
36016668	CEP de Caldelas	Tui	Pontevedra
36014775	CEIP Plurilingüe de Guillarei	Tui	Pontevedra
36014544	IES Indalecio Pérez Tizón	Tui	Pontevedra
36009846	CEIP Plurilingüe nº 1	Tui	Pontevedra
36009901	IES San Paio	Tui	Pontevedra
36020362	IES de Valga	Valga	Pontevedra
36011579	IES A Guía	Vigo	Pontevedra
36024461	IES Audiovisual de Vigo	Vigo	Pontevedra
36010459	CEIP Josefa Alonso de Alonso	Vigo	Pontevedra
36010678	CEIP Paraixal	Vigo	Pontevedra
36016061	CEIP A Doblada	Vigo	Pontevedra
36018185	CEIP Pluriligüe Pintor Laxeiro	Vigo	Pontevedra
36017430	IES Ricardo Mella	Vigo	Pontevedra
36018941	EOI de Vigo	Vigo	Pontevedra
36019670	IES do Castro	Vigo	Pontevedra
36010071	CEIP Santa Mariña	Vigo	Pontevedra
36010472	CEIP Plurilingüe Ría de Vigo	Vigo	Pontevedra
36024471	CMUS Profesional de Vigo	Vigo	Pontevedra
36011580	IES San Tomé de Freixeiro	Vigo	Pontevedra
36010423	CEIP Valle-Inclán	Vigo	Pontevedra
36011634	IES Politécnico de Vigo	Vigo	Pontevedra
36010265	EEI Cristo da Victoria	Vigo	Pontevedra
36015627	CEIP García Barbón	Vigo	Pontevedra
36012377	CEIP de Cerdeiriñas	Vila de Cruces	Pontevedra
36019451	CEIP A Escardia	Vilagarcía de Arousa	Pontevedra
36012407	CEIP A Lomba	Vilagarcía de Arousa	Pontevedra
36018380	IES Miguel Ángel González Estévez	Vilagarcía de Arousa	Pontevedra
36019414	IES A Basella	Vilanova de Arousa	Pontevedra
36013059	CEIP de Viñagrande-Deiro	Vilanova de Arousa	Pontevedra
36013023	CEIP de San Roque	Vilanova de Arousa	Pontevedra

ANEXO II

Méritos	Puntos	Documentación xustificativa
1. Antigüidade (máximo 4 puntos).
1.1. Por cada ano de servizos como funcionaria ou funcionario que superen os cinco exixidos como requisitos:	0,50	Fotocopia cotexada do título administrativo coas dilixencias das distintas posesións e cesamentos que tivese desde o seu nomeamento como funcionaria ou funcionario ou, se é o caso, dos correspondentes documentos de inscrición nos rexistros de persoal.
1.2. Por cada ano de servizos como funcionaria ou funcionario noutros corpos ou escalas docentes que impartan algunha das ensinanzas reguladas na Lei orgánica 2/2006, do 3 de maio, de educación:	0,25	Fotocopia cotexada do título administrativo coas dilixencias das distintas posesións e cesamentos que tivese desde o seu nomeamento como funcionaria ou funcionario ou, se é o caso, dos correspondentes documentos de inscrición nos rexistros de persoal.
2. Desempeño da Dirección de centros públicos e outros cargos directivos e de postos na Administración educativa (máximo seis puntos).
2.1. Por cada ano como directora ou director nun centro que impartise algunha das ensinanzas do centro a que se opta: a) No centro a que se opta b) Noutros centros	1 0,60	Fotocopia cotexada do nomeamento, coas dilixencias da toma de posesión e cesamento.
2.2. Por cada ano como directora ou director nun centro que non impartise algunha das ensinanzas do centro a que se opta:	0,50	Fotocopia cotexada do nomeamento, coas dilixencias da toma de posesión e cesamento.
2.3. Por cada ano como subdirector ou xefe de servizo en postos da Administración educativa:	0,50	Fotocopia cotexada do nomeamento, coas dilixencias da toma de posesión e cesamento.
2.4. Por cada ano como vicedirector, subdirector, secretario ou xefe de estudos dun centro que impartise algunha das ensinanzas do centro a que se opta: a) No centro a que se opta b) Noutros centros	0,50 0,30	Fotocopia cotexada do nomeamento, coas dilixencias da toma de posesión e cesamento.
2.5. Por cada ano como vicedirector, subdirector, secretario ou xefe de estudos dun centro que non impartise algunha das ensinanzas do centro a que se opta:	0,25	Fotocopia cotexada do nomeamento, coas dilixencias da toma de posesión e cesamento.
2.6. Por cada ano como xefe de departamento, coordinador dos equipos de normalización lingüística, coordinador de ciclo e análogos dun centro que impartise algunha das ensinanzas do centro a que se opta:	0,15	Fotocopia cotexada do nomeamento, coas dilixencias da toma de posesión e de posesión e cesamento.
3. Méritos académicos: máximo 1 punto.
3.1. Por cada título de doutor:	0,50	Fotocopia cotexada do título ou certificación do aboamento dos dereitos de expedición, de acordo co previsto na Orde ministerial do 8 de xullo de 1988 (BOE do 13 de xullo).
3.2. Por cada título de licenciado, enxeñeiro ou arquitecto distinto do alegado para ingreso no corpo, ou polo certificado-diploma de estudos avanzados:	0,25	Fotocopia cotexada do título ou certificación do aboamento dos dereitos de expedición, de acordo co previsto na Orde ministerial do 8 de xullo de 1988 (BOE do 13 de xullo).
3.3. Por cada título de diplomado universitario ou equivalente distinto do alegado para ingreso no corpo:	0,15	Fotocopia cotexada do título ou certificación do aboamento dos dereitos de expedición, de acordo co previsto na Orde ministerial do 8 de xullo de 1988 (BOE do 13 de xullo).
4. Cursos de formación: máximo 3 puntos. Por cursos de formación relacionados coa función directiva organizados polas administracións educativas que se atopen en pleno exercicio das súas competencias en materia educativa, por institucións sen ánimo de lucro que fosen homologados ou recoñecidos polas administracións citadas con anterioridade, así como os organizados polas universidades: 0,05 puntos por cada 10 horas.
4.1. Por actividades e cursos recibidos:	Ata 2	Certificado deles en que conste de modo expreso o número de horas de duración do curso. No caso dos organizados polas institucións sen ánimo de lucro, deberá acreditarse de forma que faga fe o recoñecemento ou homologación.
4.2. Por cursos impartidos:	Ata 1	Certificado deles en que conste de modo expreso o número de horas de impartición no curso. No caso dos organizados polas institucións sen ánimo de lucro, deberá acreditarse de forma que faga fe o recoñecemento ou homologación.
5. Corpo de catedráticos.
Por pertencer a un dos corpos de catedráticos regulados na Lei orgánica 2/2006, do 3 de maio, de educación:	0,50	Fotocopia cotexada do título administrativo ou credencial ou, se é o caso, o boletín en que apareza o seu nomeamento.
6. Servizo activo.
Por estar en situación de servizo activo:	2,00
7. Destino.
Por ter destino definitivo no centro a que se concursa:	2,00
6. Proxecto de dirección.
Polo proxecto de dirección:	Ata 12	Orixinal deste.

ANEXO III
Solicitude de participación no concurso de méritos para a selección dos directores e directoras dos centros docentes públicos que imparten as ensinanzas reguladas na Lei orgánica 2/2006, do 3 de maio, de educación, na Comunidade Autónoma de Galicia

1. Datos persoais.

Primeiro apelido	Segundo apelido	Nome
DNI	Enderezo (rúa, praza..., número, piso)
Localidade (con indicativo postal)	Provincia	Telf. fixo	Telf. móbil

2. Datos do destino.

Destino definitivo		Corpo/especialidade
Destino provisional		Corpo/especialidade

3. Centro docente que solicita.

Orde	Código	Centro	Concello
1
2

…………………………………....., ... de………………... de 20...

Sinatura

Xefatura Territorial de ………………….