Eu, Marta Yanguas del Valle, secretaria xudicial do Xulgado do Social número 4 de reforzo da Coruña, fago saber que no procedemento sobre seguridade social 542/2013 deste xulgado do social, seguido por instancia de Mutua Gallega de Accidentes de Trabajo contra Piedras Ornamentales del Cantábrico, S.L.U. e o Instituto Nacional da Seguridade Social, sobre seguridade social, ditouse a resolución cuxo encabezamento e parte dispositiva son do teor literal seguinte:
«Xulgado do Social número 4 de reforzo da Coruña
Xuíz: Javier López Cotelo
Procedemento: seguridade social 542/2013.
Demandante: Mutua Gallega de Accidentes de Trabajo
Letrado: Sr. Estebánez Juega
Demandados:
Instituto Nacional da Seguridade Social
Letrada: Sra. García Sánchez
Piedras Ornamentales del Cantábrico, S.L.U.
Sentenza nº 66/2016
A Coruña, 23 de febreiro de 2016.
Resolución.
Estimo parcialmente a demanda formulada pola Mutua Gallega de Accidentes de Trabajo, e,
1. Condeno a empresa Piedras Ornamentales del Cantábrico, S.L.U., como responsable directa, ao aboamento dos gastos da asistencia sanitaria e prestacións económicas de IT prestadas aos traballadores indicados na declaración de feitos probados derivados das súas enfermidades comúns e que propiciaron as súas baixas médicas á Mutua demandante da suma total de 3.263,07 euros por tales conceptos.
2. Absolvo o INSS de toda pretensión dirixida fronte a el.
Inscríbase a presente resolución no libro de sentenzas e déixese testemuño desta no presente procedemento.
Notifíquese esta sentenza ás partes e advírtaselles que contra ela se poderá interpoñer recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.
Así o pronuncio, mando e asino».
Publicación. A anterior sentenza foi lida e publicada polo maxistrado xuíz que a subscribe no día da súa data, do que eu, a secretaria xudicial, dou fe.
E para que conste e sirva de notificación a Piedras Ornamentales del Cantábrico, S.L.U. en ignorado paradoiro, expídese este edicto para a súa publicación no Diario Oficial de Galicia e colocación no taboleiro de anuncios.
A Coruña, 29 de febreiro de 2016
A secretaria xudicial